Genesis 32:20 - Yn Vible Casherick 1775 1819

²⁰ As abbyr-jee ny sodjey, Cur-my-ner, ta dty harvaant Jacob nyn yeï. Son dooyrt eh, Nee’m y veeinaghey eh lesh y gioot ta goll roym, as ny lurg shen hee-ym yn eddin echey: foddee dy jean eh soiagh jee’m.

Genesis 32:20 ပူးပေါင်းရင်းမြစ်များ

Genesis 32:19

As myr shoh hug eh currym er yn nah er, as y trass, as er ooilley ny deiyr ny immanyn, gra, Er yn aght shoh nee shiu loayrt rish Esau, tra nee shiu meeiteil eh.

Genesis 32:21

Myr shen va’n gioot er ny choyrt harrish roish: as ghow eh hene aaght yn oie shen ’sy cheshaght.

Genesis 43:11

As dooyrt Israel nyn ayr roo, My shegin da ve myr shen nish, shoh jean-jee; gow-jee jeh messyn share y cheer ayns nyn siyn, as cur-jee lhieu gioot sheese da’n dooinney, red beg dy valm, as kuse dy vill, spiceyn as myrrh, croyn as almonyn.

1 Reeaghyn 20:31

As dooyrt e harvaantyn rish, Cur-my-ner nish, ta shin er chlashtyn dy vel reeaghyn thie Israel reeaghyn myghinagh: lhig dooin, ta mee guee ort, cur aanrit-sack er nyn meeghyn, as teddyn mysh nyn mwannal, as goll magh gys ree Israel; foddee, dy saue-ee eh dty vioys.

Raaghyn Creeney 15:18

Ta’n connyssagh doostey streeu: agh eshyn ta moal gys corree, t’eh cur streeu gy-kione.

Raaghyn Creeney 16:14

Ta jymmoose y ree myr chaghteryn baaish: agh nee dooinney creeney shen y veeinaghey.

Raaghyn Creeney 18:16

Ta gioot dooinney jannoo raad da, as cur lesh eh gys sheshaght deiney mooarey.

Raaghyn Creeney 21:14

Ta gioot follit mooghey jymmoose, as leagh ’syn oghrish corree hrome.

Raaghyn Creeney 6:35

Cha der eh geill da lhiasaghey erbee: chamoo vees eh meenit, ga dy jebbagh oo ymmodee giootyn.

Jonah 3:9

Quoi ec ta fys my nee Jee chyndaa as meiyghey, as e yymmoose hrome y lhiettal, nagh jean mayd cherraghtyn?

2 Timothy 2:25

Ayns meenid gynsaghey adsyn ta shassoo magh; my saillish Jee arrys y chur daue gys goaill-rish yn irriney;

1 Samuel 6:5

Shen-y-fa nee shiu cummey ’yannoo goll-rish ny pileyn, as caslys jeh ny loaghee ta cur mow yn thalloo; as ver shiu gloyr da Jee Israel: foddee dy jean eh scughey e laue veue, as veih ny jeeghyn eu, as veih’n cheer eu.