Genesis 32:14 - Yn Vible Casherick 1775 1819

¹⁴ Daa cheead goair woirryn, as feed goair fyrryn, daa cheead keyrrey, as feed rea.

Genesis 32:14 ပူးပေါင်းရင်းမြစ်များ

Genesis 30:43

As ren y dooinney bishaghey erskyn towse, as va ymmodee maase echey, as sharvaantyn, as fir-vooinjerey, as camelyn as assylyn.

Genesis 31:10

As haink eh gy-kione, ec y traa va’n maase gientyn, dy hrog mee seose my hooillyn, as honnick mee ayns dreamal, as cur-my-ner, va ny reaghyn va lheim er y maase, schimmeigagh, breck as spottagh.

Genesis 31:16

Son ooilley yn verchys ta Jee er ghoaill veih nyn ayr, te cair dooinyn, as da nyn gloan: nish eisht, jean uss, cre-erbee ta Jee er ghra rhyt.

Genesis 31:9

Myr shoh ta Jee er ghoaill ersooyl maase nyn ayrey, as er choyrt ad dooys.

Genesis 32:13

As ghow eh aaght ayns shen yn oie cheddin, as ghow eh jeh shen, ny va fo e laue, gioot son Esau e vraar.

Genesis 32:15

Jeih camelyn as feed bluight, marish ny sharree, da-eed booa, as jeih therriu, feed assyl bwoirryn, as jeih sharree.

Genesis 33:11

Gow, ta mee guee ort, my vannaght, ta mee er choyrt lhiam hood; er-yn-oyr dy vel Jee er ghellal dy graysoil rhym: as er-y-fa dy vel dy liooar aym pene; as hionn eh er, as ren eh goaill eh.

Genesis 43:11

As dooyrt Israel nyn ayr roo, My shegin da ve myr shen nish, shoh jean-jee; gow-jee jeh messyn share y cheer ayns nyn siyn, as cur-jee lhieu gioot sheese da’n dooinney, red beg dy valm, as kuse dy vill, spiceyn as myrrh, croyn as almonyn.

Lioar Yob 1:3

Va e chooid myrgeddin shiaght thousane keyrrey, as three thousaneyn dy chamelyn, as queig cheead whing dy ghew, as queig cheead assyl bwoirryn, as niart mooinjer; myr shen dy row yn dooinney shoh yn er s’berchee jeh ooilley deiney’n niar.

Lioar Yob 42:12

Myr shoh vannee’n Chiarn jerrey bea Yob ny smoo na’n toshiaght: son v’echey kiare thousaneyn jeig keyrragh, as shey thousane camel, as thousane whing dy ghew, as thousane assyl bwoirryn.

Raaghyn Creeney 17:8

Ta gioot myr jewel costal ayns ny sooillyn echeysyn ta goaill eh: te goaill raad ayns dy chooilley chooish.

Deuteronomy 8:18

Agh nee oo cooinaghtyn er y Chiarn dty Yee: son eshyn eh ta coyrt pooar dhyt dy gheddyn berchys, dy vod eh e chonaant y hickyraghey, vreear eh da dty ayraghyn, myr te er y laa jiu.

1 Samuel 25:2

Nish va dooinney ayns Maon, as e state-hallooin ayns Carmel; as va’n dooinney feer verchagh, son va echey three thousaneyn dy chirree, as thousane goayr: as v’eh lommyrt e chirree ayns Carmel.