Genesis 32:13 - Yn Vible Casherick 1775 1819

¹³ As ghow eh aaght ayns shen yn oie cheddin, as ghow eh jeh shen, ny va fo e laue, gioot son Esau e vraar.

Genesis 32:13 ပူးပေါင်းရင်းမြစ်များ

Genesis 13:16

As neem’s yn sluight ayd’s [ayns earroo] myr joan ny hooirey: myr shen my oddys dooinney coontey joan ny hooirey, eisht vees dty luight’s myrgeddin er nyn earroo.

Genesis 15:5

As hug eh lesh eh magh (’sy vagher) as dooyrt eh rish, jeeagh nish seose ’syn aer, as gow earroo ny rollageyn, my oddys oo ad y choontey: as dooyrt eh rish, Myr shen vees dty luight.

Genesis 18:2

As hrog eh seose e hooillyn as yeeagh eh, as cur-my-ner, va three deiney nyn shassoo er-gerrey da: as tra honnick eh ad, roie eh nyn guail veih dorrys y chabbane, as chroym eh sheese eh hene lesh y thalloo.

Genesis 22:17

Lesh bannaghtyn neem’s uss y vannaghey, as lesh bishagh neem’s bishaghey dty luight myr rollageyn yn aer, as myr y gheinnagh t’er oirr ny marrey; as yiow dty luight’s possession ayns giat e noidyn.

Genesis 32:14

Daa cheead goair woirryn, as feed goair fyrryn, daa cheead keyrrey, as feed rea.

Genesis 33:10

As dooyrt Jacob, Guee-ym ort, my ta mee nish er gheddyn foayr ayns dty hilley, gow eisht my yioot veih my laue: son er-y-fa shen ta mee er vakin dty eddin, myr dy beign er vakin eddin Yee; as t’ou er hoiaghey jee’m.

Genesis 33:8

As dooyrt eh, Cre t’ou kiarail, liorish ooilley yn imman shoh, haink my whail? As dooyrt eh, T’ad shoh dy voddym foayr y gheddyn ayns shilley my hiarn.

Genesis 42:6

As va Joseph ny chiannoort harrish y cheer, as eshyn ve va creck rish ooilley sleih ny cheerey: as haink braaraghyn Yoseph, as chroym ad ad-hene sheese kiongoyrt rish, lesh nyn eddinyn gys y thalloo.

Genesis 43:11

As dooyrt Israel nyn ayr roo, My shegin da ve myr shen nish, shoh jean-jee; gow-jee jeh messyn share y cheer ayns nyn siyn, as cur-jee lhieu gioot sheese da’n dooinney, red beg dy valm, as kuse dy vill, spiceyn as myrrh, croyn as almonyn.

Genesis 43:26

As tra haink Joseph thie, hug ad lhieu huggey yn gioot v’oc nyn laue stiagh ’sy thie, as chroym ad ad-hene huggey gys y thalloo.

Nehemiah 4:13

Eisht ren mee soiaghey ayns ny ynnydyn s’inshley cooyl y voalley, as er ny ynnydyn syrjey, eer hoie mee yn pobble, rere dagh lught-thie, lesh nyn gliwenyn, shleiyghyn, as bowaghyn.

Raaghyn Creeney 17:8

Ta gioot myr jewel costal ayns ny sooillyn echeysyn ta goaill eh: te goaill raad ayns dy chooilley chooish.

Raaghyn Creeney 18:16

Ta gioot dooinney jannoo raad da, as cur lesh eh gys sheshaght deiney mooarey.

Raaghyn Creeney 19:6

Nee ymmodee shirrey foayr y ree, as ta dy chooilley ghooinney ny charrey dasyn chebbys giootyn.

Raaghyn Creeney 21:14

Ta gioot follit mooghey jymmoose, as leagh ’syn oghrish corree hrome.

1 Samuel 25:27

As nish yn cowrey shoh ta dty harvaant er chur lh’ee gys my hiarn, lhig da v’er ny rheynn er ny deiney aegey ta marish my hiarn.

1 Samuel 25:8

Fênee jeh dty gheiney aegey, as inshee ad dhyt. Shen-y-fa lhig da ny deiney aegey aym’s foayr ’gheddyn ayns dty hilley; (son ta shin er jeet er laa mie;) cur, ta mee guee ort, da dty harvaantyn, as da dty vac David, ayrn jeh ny ta fo dty laue.