Genesis 32:12 - Yn Vible Casherick 1775 1819

¹² As dooyrt uss, Neem’s son shickyrys foayr y hoilshaghey dhyt, as jannoo dty luight myr genniagh y traie, nagh vod ve er ny earroo.

Genesis 32:12 ပူးပေါင်းရင်းမြစ်များ

Genesis 22:17

Lesh bannaghtyn neem’s uss y vannaghey, as lesh bishagh neem’s bishaghey dty luight myr rollageyn yn aer, as myr y gheinnagh t’er oirr ny marrey; as yiow dty luight’s possession ayns giat e noidyn.

Genesis 32:6

As hyndaa ny chaghteryn gys Jacob, gra, Haink shin gys dty vraar Esau, as t’eshyn neesht cheet dty whail, as kiare cheead dooinney mârish.

1 Reeaghyn 4:20

Va Judah as Israel ymmodee, myr genniagh ny marrey ayns earroo, gee as giu, as jannoo gien mie.

Exodus 32:13

Cooinee er Abraham, Isaac, as Israel dty harvaantyn, daue ren oo breearrey liort hene, as dooyrt oo roo, Neem’s bishaghey yn sluight euish myr rollageyn yn aer, as ooilley’n cheer shoh, ta mee er loayrt jeh, ver-yms da’n sluight eu, as bee eh nyn eiraght foddey beayn.

Hosea 1:10

Ny-yeih bee earroo cloan Israel myr genniagh ny marrey, nagh vod ve er ny howse, ny er ny choontey; as hig eh gy-kione, ’syn ynnyd ayn ve er ny ghra roo, Cha nee shiuish yn pobble aym’s, dy nee ayns shen bee eh graït roo, Shiuish mec y Jee bio.

Earrooyn 23:19

Cha vel Jee myr dooinney, dy yannoo foalsaght, chamoo myr mac dooinney, dy chaghlaa e aigney: vel eh er ghra, as nagh jean eh cooilleeney? ny vel eh er loayrt, as nagh jean eh mie jeh?

Noo Mian 24:35

Nee yn aer as yn ooir cherraghtyn, agh my ghoan’s cha jean cherraghtyn.

2 Timothy 2:13

My ta shin neu-firrinagh [dasyn], ny-yeih t’eshyn tannaghtyn firrinagh; cha vod eh eh-hene y obbal.

Titus 1:2

Ayns treishteil jeh’n vea veayn, ren Jee nagh vod breg y insh, gialdyn roish my row’n seihll er ny chroo;

Hebrewnee 11:12

Shen-y-fa hrog jeh un ayr, as eshyn chammah as marroo, whilleen as rollageyn yn aer ayns earroo, as myr y gheinnagh rish oirr ny marrey erskyn coontey.

Hebrewnee 6:17

Shen-y-fa myr va Jee booiagh er yn aght s’troshey dy hoilshaghey da eiraghyn y ghialdyn shickyrys gyn-caghlaa e aigney, ren eh shoh y niartaghey lesh loo:

1 Samuel 15:29

Myrgeddin cha jean eshyn ta coyrt barriaght da Israel caghlaa, ny goaill arrys: son cha nee dooinney eh, dy goghe eh arrys.