Genesis 32:11 - Yn Vible Casherick 1775 1819

¹¹ Livrey mee, ta mee guee ort, veih laue my vraar, veih laue Esau: son ta mee goaill aggle roish, dy jig eh as dy stroie eh mish, as y voir marish y chloan.

Genesis 32:11 ပူးပေါင်းရင်းမြစ်များ

Genesis 24:27

As dooyrt eh, Bannit dy row Chiarn Jee my vainshtyr Abraham; nagh vel er vreayll e vyghin as e ynrickys veih my vainshtyr: son va mee er y raad, as ren y Chiarn mee ’leeideil gys thie braaraghyn my vainshtyr.

Genesis 27:41

As va dwoaie ec Esau er Jacob, kyndagh rish y bannaght, lesh va e ayr er vannaghey eh: as dooyrt Esau ayns e chree, Ta laghyn dobberan son my ayr er-gerrey, eisht marr-ym my vraar Jacob.

Genesis 27:42

As va ny goan shoh loayr Esau yn mac shinney eck er n’insh da Rebekah. As hug ee fys, as deïe ee er Jacob e mac saa, as dooyrt ee rish, Cur-my-ner, ta dty vraar Esau gerjagh eh-hene my-dty-chione’s, kiarail dy dty varroo.

Genesis 32:3

As hug Jacob chaghteryn roish gys Esau e vraar, gys thalloo Seir, cheer Edom.

Genesis 32:7

Eisht va Jacob dy mooar agglit as seaghnit: as rheynn eh yn sleih va mârish, as ny shioltaneyn as shellooyn, as ny camelyn, ayns daa heshaght;

Genesis 33:4

As roie Esau ny whail, as ghow eh ayns e roihaghyn eh, as huitt eh er e wannal, as phaag eh eh; as cheayn ad.

2 Samuel 7:18

Eisht hie ree David stiagh, as hoie eh fenish y Chiarn, as dooyrt eh, Quoi mish, O Hiarn Yee? as cre ta my hie, dy vel oo er my hroggal gys shoh?

Psalmyn 119:134

O livrey mee veih tranlaase drogh gheiney: as myr shen freill-ym dt’annaghyn.

Psalmyn 142:6

Deïe mee hood’s, O Hiarn, as dooyrt mee: Uss my hreishteil as my eiraght ayns cheer y sleih bio.

Psalmyn 16:1

Jean m’y choadey, O Yee: son aynyd’s ta mee er choyrt my hreishteil.

Psalmyn 25:20

Lhig da ônid as dellal yeeragh goll mârym: son ta my hreishteil er ny ve aynyd’s.

Psalmyn 31:2

Croym sheese dty chleaysh hym: jean siyr dy my livrey.

Psalmyn 43:1

Cur briwnys er my heu, O Yee, as jean my chooish y endeil noi’n sleih mee-chrauee: O jean m’y livrey veih’n dooinney molteyragh as olkyssagh.

Raaghyn Creeney 18:19

Ta braar, as corree er, ny s’doillee dy ve cosnit na ard-valley lajer: as ta mee-choardail braaraghyn myr boltyn cashtal.

Daniel 3:17

My she shen myr te, ta slane fort ec y Jee ain, ta shin dy hirveish, dy livrey shin veih’n choirrey aileagh-loshtee, as nee eh shinyn y livrey ass dty laueyn’s, O ree.

Hosea 10:14

Shen-y-fa nee tharmane caggee troggal mastey dty phobble, as bee ooilley dty chashtallyn er ny spooilley, myr ren Shalman spooilley Beth-arbel ayns laa yn chaggey: va’n moir bransit gys peeshyn er e cloan.

Noo Mian 6:13

As ny leeid shin ayns miolagh, agh livrey shin veih olk: Son lhiat’s y reeriaght, as y phooar, as y ghloyr, son dy bragh, Amen.

Deuteronomy 22:6

My hagh’rys oo er y raad er edd ushag, ayns billey erbee, ny er y thalloo, my she eïn ny oohyn t’ayn, as y chenn ushag ny hoie er ny heïn, ny er ny oohyn, cha jean oo goaill yn chenn ushag marish ny heïn.

1 Samuel 12:10

As deïe ad gys y Chiarn, as dooyrt ad, Ta shin er n’yannoo peccah, er-yn-oyr dy vel shin er hreigeil y Chiarn, as er hirveish Baalim as Ashtaroth: agh nish livrey shin veih laueyn nyn noidyn, as nee mayd uss y hirveish.

1 Samuel 24:15

Dy bee yn Chiarn er-y-fa shen ny vriw, as dy jean eh briwnys eddyr mish as uss, as fakin, as goaill seose my chooish, as m’y livrey ass dty laue.