Genesis 32:10 - Yn Vible Casherick 1775 1819

¹⁰ Cha vel mish feeu jeh’n ayrn sloo jeh ooilley ny myghinyn, as jeh ooilley yn chenjallys ynrick t’ou er hoilshaghey da dty harvaant: son cha row aym agh my lorg tra hie mee harrish yn Jordan shoh, as nish ta mee er jeet dy ve daa heshaght vooar.

Genesis 32:10 ပူးပေါင်းရင်းမြစ်များ

Genesis 18:27

As dreggyr Abraham, as dooyrt eh, cur-my-ner nish, ta mee er ghoaill orrym dy loayrt rish y Chiarn, mish nagh vel agh joan as leoie.

Genesis 24:12

As dooyrt eh, O Hiarn, Jee my vainshtyr Abraham, ta mee guee ort, cur speedeil mie my raad yn laa jiu, as soilshee kenjallys da my vainshtyr Abraham.

Genesis 24:27

As dooyrt eh, Bannit dy row Chiarn Jee my vainshtyr Abraham; nagh vel er vreayll e vyghin as e ynrickys veih my vainshtyr: son va mee er y raad, as ren y Chiarn mee ’leeideil gys thie braaraghyn my vainshtyr.

Genesis 28:13

As cur-my-ner, hass y Chiarn erskyn, as dooyrt eh, Mish yn Chiarn, Jee Abraham dty ayr, as Jee Isaac: yn cheer t’ou dy lhie er, dhyt’s ver-yms eh, as da dty luight.

Genesis 28:15

As cur-my-ner, ta mish mayrt, as neem’s oo y reayll, ayns dy chooilley ynnyd raad t’ou goll, as ver-ym lhiam oo reesht gys y cheer shoh: son cha dreig-ym oo, derrey vee’m er chooilleeney shen, my-e-chione ta mee er loayrt rhyt.

Genesis 30:43

As ren y dooinney bishaghey erskyn towse, as va ymmodee maase echey, as sharvaantyn, as fir-vooinjerey, as camelyn as assylyn.

Genesis 31:3

As dooyrt y Chiarn rish Jacob, Chyndaa reesht gys cheer dty ayraghyn, as gys dty chynney: as bee’m mayrt.

Genesis 32:5

As ta dew as assylyn aym, shioltaneyn, as fir-vooinjerey, as sharvaantyn: as ta mee er chur fys dy insh da my hiarn, dy voddym foayr y gheddyn ayns dty hilley.

Genesis 32:7

Eisht va Jacob dy mooar agglit as seaghnit: as rheynn eh yn sleih va mârish, as ny shioltaneyn as shellooyn, as ny camelyn, ayns daa heshaght;

2 Samuel 17:24

Eisht haink David gys Mahanaim. As hie Absalom harrish Jordan, as ooilley deiney Israel mârish.

2 Samuel 7:18

Eisht hie ree David stiagh, as hoie eh fenish y Chiarn, as dooyrt eh, Quoi mish, O Hiarn Yee? as cre ta my hie, dy vel oo er my hroggal gys shoh?

Lioar Yob 17:9

Nee yn er-crauee myrgeddin cummal gys e raad, as aasee ny laueyn glen ny s’troshey as ny s’troshey.

Lioar Yob 8:7

Ga dy row dty hoshiaght fardalagh, ny-yeih veagh dty yerrey dy mooar er ny vannaghey.

Psalmyn 16:2

O m’annym, t’ou er ghra rish y Chiarn: Uss my Yee, cha vel my chooid-seihlt, dy ve soylit hood’s.

Psalmyn 18:35

T’ou er choyrt dooys fendeilys dy haualtys: nee dty laue yesh neesht m’y chummal seose, as nee dty smaght graihagh mish y yannoo mooar.

Psalmyn 61:7

Nee eh baghey fenish Yee son dy bragh: O kiare dty vyghin ghraihagh as dt’irriney, dy vod ad eh y choadey.

Psalmyn 8:5

Ren oo eh ny s’inshley na ny ainleyn: dy choamrey eh lesh gloyr as ooashley.

Psalmyn 84:7

Hed ad veih niart gys niart: as ta dagh unnane oc chebbal eh-hene fenish yn Jee dy Yeeghyn ayns Sion.

Psalmyn 85:10

Ta myghin as firrinys er choyrt quaaltys dy cheilley: ta cairys as shee er phaagey yn derrey yeh yn jeh elley.

Raaghyn Creeney 4:18

Agh ta raad y vooinjer chrauee myr yn soilshey sollys, ta soilshean ny smoo as ny smoo derrey’n ard-vunlaa.

Isaiah 6:5

Eisht dooyrt mee, Smerg dooys! cre’n erree hig orrym; er-yn-oyr dy vel mee my ghooinney jeh meillyn neu-ghlen, as ta mee cummal mastey pobble jeh meillyn neu-ghlen: son ta my hooillyn er vakin y Ree, Chiarn ny flaunyssee.

Isaiah 63:7

Neem’s kenjallys-ghraihagh yn Chiarn y hoilshaghey magh, as moylley yn Chiarn, cordail rish ooilley ny ta’n Chiarn er stowal orrin, as y vieys vooar gys thie Israel, t’eh er yiootal orroo cordail rish e vyghinyn, as cordail rish ymmodee e chenjallys ghraihagh.

Micah 7:20

Nee oo yn ynrickys y hoilshaghey da Jacob, as y vyghin da Abraham, t’ou, er vreearrey da nyn ayraghyn er-dy laghyn yn chenn earish.

Noo Luke 17:10

Myr shen neesht shiuish, tra vees shiu er n’yannoo ooilley ny t’er ny harey diu, abbyr-jee, She sharvaantyn neu-frioosagh shin: ta shin er n’yannoo ynrycan ny va orrin dy yannoo.

Noo Luke 5:8

Tra honnick Simon Peddyr shoh, huitt eh sheese ec glioonyn Yeesey, gra, Immee voym, son ta mee my ghooinney peccoil, O Hiarn.

2 Corinthianee 12:11

Ta mee er jeet dy ve my ommydan ayns boggyssagh, shiu hene ta er m’êginaghey; son shiuish lhisagh v’er my voylley: son ayns nhee erbee cha vel mee ergooyl ny eer ostyllyn syrjey, ga nagh vel mee veg.

Deuteronomy 8:18

Agh nee oo cooinaghtyn er y Chiarn dty Yee: son eshyn eh ta coyrt pooar dhyt dy gheddyn berchys, dy vod eh e chonaant y hickyraghey, vreear eh da dty ayraghyn, myr te er y laa jiu.

1 Peddyr 5:5

Myrgeddin shiuish sleih aegey, bee-jee arrymagh da’n chenndeeaght: dy jarroo bee-jee ooilley ayns biallys yn derrey yeh gys y jeh elley, as bee-jee coamrit lesh injillid aigney: son ta Jee soiaghey eh-hene noi’n vooinjer voyrnagh, as t’eh coyrt grayse dauesyn ta imlee.