Genesis 30:6 - Yn Vible Casherick 1775 1819

⁶ As dooyrt Rachel, Ta Jee er ghoaill seose my chooish, as myrgeddin er chur clashtyn dou, as er choyrt dou mac: shen-y-fa denmys ee eh Dan.

Genesis 30:6 ပူးပေါင်းရင်းမြစ်များ

Genesis 30:5

As ren Bilhah gientyn, as dymmyrk ee mac da Jacob.

Genesis 30:7

As ren Bilhah sharvaant Rachel gientyn reesht, as dymmyrk ee da Jacob mac elley.

Genesis 35:25

As mec Bilhah, sharvaant Rachel; Dan as Naphtali.

Genesis 46:23

As mac Dan; Hushim.

Psalmyn 35:24

Jean mish y vriwnys, O Hiarn my Yee, cordail rish dty chairys: as ny lhig daue boggyssagh harrym.

Psalmyn 43:1

Cur briwnys er my heu, O Yee, as jean my chooish y endeil noi’n sleih mee-chrauee: O jean m’y livrey veih’n dooinney molteyragh as olkyssagh.

Jeremiah 13:2

Er shen hooar mee cryss, cordail rish goo yn Chiarn, as hug mee eh mysh my vean.

Jeremiah 13:24

Shen-y-fa nee’m ad y skeayley myr coau t’er ny heebey ersooyl lesh geay yn aasagh.

Dobberan 3:59

T’ou uss, O Hiarn, er vakin my aggair, jean uss my chooish y vriwnys.

Earrooyn 1:38

Jeh cloan Dan liorish ny sheelogheyn oc, cordail rish nyn lught-thie, myr va thie nyn ayraghyn, cordail rish earroo ny enmyn, veih feed bleïn d’eash, as erskyn, ooilley ny va son goll magh gys caggey;

Deuteronomy 27:13

As nee ad shoh shassoo er cronk Ebal, dy ockley mollaght: Reuben, Gad, as Asher, as Zebulun, Dan, as Naphtali.

Deuteronomy 33:22

As mychione Dan dooyrt eh, Ta Dan dunnal myr quallian y lion: nee eh lheim veih Bashan.