Genesis 30:2 - Yn Vible Casherick 1775 1819

² As va corree Yacob er ny vrasnaghey noi Rachel, as dooyrt eh, Vel mish ayns ynnyd Yee, t’er vreaylley voïd mess y vreïn?

Genesis 30:2 ပူးပေါင်းရင်းမြစ်များ

Genesis 16:2

As dooyrt Sarai rish Abram, Cur-my-ner nish, ta’n Chiarn er m’y lhiettal veih gymmyrkey cloan: ta mee guee ort, gow stiagh gys my inney-veyl: foddee cloan ’ve aym’s lioree: As hug Abram geill da goan Sarai.

Genesis 20:18

Son va’n Chiarn er yeigh seose ooilley breïnyn lught-thie Abimelech: er coontey Sarah ben Abraham.

Genesis 25:21

As ren Isaac aghin gys y Chiarn son e ven, er-yn-oyr dy row ee gennish: as hug y Chiarn clashtyn da, as ren Rebekah e ven giennaghtyn.

Genesis 29:31

As tra honnick y Chiarn, nagh row wheesh soit jeh Leah, hug eh pooar j’ee dy yiennaghtyn: agh va Rachel gennish.

Genesis 31:36

As va Jacob feer jymmoosagh; as hroidd eh rish Laban, as dreggyr Jacob, as dooyrt eh rish Laban, Cre ta my loght? cre’n olk ta mee er n’yannoo, dy vel oo er n’eiyrt orrym cha jeean?

Genesis 50:19

As dooyrt Joseph roo, Ny gow-jee aggle: son vel mish ayns ynnyd Yee?

2 Reeaghyn 5:7

As haink eh gy-kione, tra va ree Israel er lhaih yn screeuyn, dy raip eh e choamrey, as dooyrt eh, Nee Jee mish, dy choyrt baase ny bioys, dy vel y dooinney shoh cur chaghteraght hym’s dy lheihys dooinney jeh e louraanys? Shen-y-fa toig-jee, ta mee guee erriu, as jeeagh-jee kys t’eh shirrey oyr dy huittym magh rhym.

Psalmyn 127:3

Cha vel eh agh obbyr caillit dy vel shiu ayns siyr dy irree dy moghey, as cha anmagh goaill fea, as gee yn arran dy imnea: son shen myr t’eh coyrt cadley dauesyn shinney lesh.

Exodus 32:19

As haink eh gy-kione, myr v’eh tayrn er-gerrey gys y champ, dy chronnee eh yn lheiy, as y daunsin: as ghreesee corree Voses, as hilg eh ny buird ass e laueyn, as vrish eh ad ec bun y clieau.

Noo Mian 5:22

Agh ta mish gra riuish, Quoi-erbee ta fargagh rish e vraar gyn oyr, dy jig eshyn neesht fo kerraghey yn vriwnys: as quoi-erbee jir rish e vraar, Raca: dy jig eh fo briwnys yn ard-whuaiyl: agh quoi-erbee jir, Uss ommydan, dy bee eh ayns gaue aile niurin.

Noo Mark 3:5

As tra v’eh er yeeaghyn mygeayrt orroo lesh corree, v’eh seaghnit son creoghys nyn greeaghyn, as dooyrt eh rish y dooinney, Sheeyn magh dty laue: as heeyn eh magh ee; as va e laue er ny laanaghey myr y laue elley.

Noo Luke 1:42

As loayr ee lesh ard-choraa as dooyrt ee, Bannit t’ou uss mastey mraane, as bannit ta sluight dty vreïn.

Ephesianee 4:26

My hig corree erriu, ny jean-jee peccah. Ny lhig da’n ghrian lhie er y chorree eu:

1 Samuel 1:5

Agh da Hannah hug eh ayrn dooble; son bynney lesh Hannah: agh va’n Chiarn er vreayll ee veih gymmyrkey cloan.