Genesis 30:1 - Yn Vible Casherick 1775 1819

¹ As tra honnick Rachel, nagh row cloan ee-hene rish Jacob, ren Rachel troo mysh e shuyr; as dooyrt ee rish Jacob, Cur cloan dou, er-nonney brish-ym my chree.

Genesis 30:1 ပူးပေါင်းရင်းမြစ်များ

Genesis 29:31

As tra honnick y Chiarn, nagh row wheesh soit jeh Leah, hug eh pooar j’ee dy yiennaghtyn: agh va Rachel gennish.

Genesis 37:11

As ren e vraaraghyn troo mysh: agh smooinee e ayr dy dowin er y raa.

1 Reeaghyn 19:4

Agh hie eh-hene jurnah laa gys yn aasagh, as haink eh, as hoie eh sheese fo billey-juniper: as ren eh aghin er e hon hene dy voghe eh baase; as dooyrt eh, S’lioar shoh; nish, O Hiarn, gow ersooyl my vioys; son cha vel mish ny share na my ayraghyn.

Lioar Yob 13:19

Quoi eh nee pleadeil m’oï? son dy beign my host, veagh eh baase dou.

Lioar Yob 3:11

Cre’n-fa nagh dooar mee baase ayns y vreïn? cre’n-fa nagh scarr mee rish my vioys tra haink mee er y theihll?

Lioar Yob 5:2

Son ta sproght marroo yn dooinney ommijagh, as ta troo stroie yn er mee-hushtagh.

Psalmyn 106:16

Hug ad corree er Moses neesht ayns ny cabbaneyn: as er Aaron Noo yn Chiarn.

Raaghyn Creeney 14:30

Ta cree follan slaynt y challin: agh ta troo, loauid ny craueyn.

Raaghyn Creeney 30:16

Yn oaie; as yn vreïn ghennish; yn thalloo nagh vel er ny ooraghey lesh ushtey; as yn aile, nagh vel gra, Te dy liooar.

Ecclesiastes 4:4

Reesht smooinee mee er ooilley tooilleil dooinney, as er dy chooilley obbyr yeeragh, eer son shoh dy vel e naboo troo mysh. Ta shoh myrgeddin fardail, as seaghney cree.

Earrooyn 11:15

As my t’ou myr shoh dellal rhym, marr mee, ta mee guee ort, ass y raad, my ta mee er gheddyn foayr ayns dty hilley; as nagh vaik-ym my hreihys hene.

Earrooyn 11:29

As dooyrt Moses rish, Vel uss troo er y choontey aym’s? dy baillish Jee dy beagh ooilley pobble y Chiarn phadeyryn, as dy jinnagh y Chiarn cur e spyrryd orroo.

Noo Ean 4:3

Daag eh Judea, as jimmee eh reesht gys Galilee.

Noo Ean 4:8

Son va ny ostyllyn er n’gholl gys y valley dy chionnaghey beaghey.

1 Corinthianee 3:3

Son ta shiu foast fo reill ny foalley: son fakin dy vel nyn mast’ eu troo, as streeu, as anvea, nagh vel shiu foalley, as gimmeeaght myr deiney?

2 Corinthianee 7:10

Son ta trimshey crauee gobbraghey arrys gys saualtys, nagh vel arrys dy v’er ny ghoaill jeh: agh ta trimshey’n theihll gobbraghey baase.

Galatianee 5:21

Troo, dunverys, meshtyrys, glutteraght, as y lheid: my-nyn-gione ta mee ginsh diu ro-laue, myr ta mee myrgeddin er n’insh diu ayns y traa t’er n’gholl shaghey, nagh vow adsyn ta cur rish lheid ny reddyn, reeriaght Yee ayns eiraght.

Titus 3:3

Son va shin hene myrgeddin keayrt dy row mee-hushtagh, mee-viallagh, ayns marranys, fo reill ymmodee yeearreeyn as eunyssyn peccoil, baghey ayns goanlys as roon, dwoaiagh, as coyrt dwoaie yn derrey yeh da’n jeh elley.

Jamys 3:14

Agh my ta eu myskid sharroo as streeu ayns nyn greeaghyn, ny jean-jee boggyssagh, as ny jean-jee breg noi’n irriney.

Jamys 4:5

Vel shiu smooinaghtyn dy vel y scriptyr gra ayns fardail, Ta’n spyrryd ta cummal aynin greinnaghey gys troo?

1 Samuel 1:10

As v’ee ayns sherriuid anmey, as ghow ee padjer gys y Chiarn, as cheayn ee dy sharroo.