Genesis 3:8 - Yn Vible Casherick 1775 1819

⁸ As cheayll ad coraa yn Chiarn Jee goll trooid y gharey, ayns fynneraght y laa: as dollee Adam as e ven ad hene veih kionfenish y Chiarn Jee, mastey biljyn y gharey.

Genesis 3:8 ပူးပေါင်းရင်းမြစ်များ

Genesis 18:33

As hie yn Chiarn roish, erreish da’n taggloo shoh ve echey rish Abraham: As hie Abraham reesht gys e chummal hene.

Genesis 3:10

As dooyrt eh, Cheayll mee dty choraa ’sy gharey, as va aggle orrym, er-yn-oyr dy row mee rooisht; as dollee mee mee-hene.

Lioar Yob 22:14

Ta ny bodjallyn chiu dy choodaghey eh, nagh vel eh fakin; as t’eh gimmeeaght ayns slane reamys niau.

Lioar Yob 31:33

My ren mee my pheccaghyn y choodaghey myr ren Adam, liorish keiltyn my loght fo my oghrish;

Lioar Yob 38:1

Eisht dreggyr y Chiarn Job ass y gheay-chassee, as dooyrt eh,

Raaghyn Creeney 15:3

Ta sooillyn y Chiarn ayns dy chooilley voayl, cur-my-ner chammah sie as mie.

Jeremiah 23:24

Vod fer erbee eh-hene y cheiltyn ayns ynnydyn follit nagh vaik-yms eh? ta’n Chiarn dy ghra. Nagh vel mish lhieeney niau as thalloo? ta’n Chiarn dy ghra.

Hosea 10:8

Myrgeddin bee ard-ynnydyn Aven, peccah Israel currit naardey: hig yn dress as yn onnane seose er nyn altaryn; as jir ad rish ny sleityn, Coodee-jee shin, as rish ny croink, Tuitt-jee orrin.

Leviticus 26:12

As neem’s gimmeeaght mêriu as beem’s y Jee eu, as bee shiuish my phobble.

Jonah 1:3

Agh dirree Jonah seose dy roie er-chea gys Tarshish veih fenish y Chiarn, as hie eh sheese gys Joppa; as hooar eh lhong goll gys Tarshish: myr shen deeck eh yn leagh-shiaullee, as hie eh er boayrd, dy gholl mâroo gys Tarshish, veih fenish y Chiarn.

Romanee 2:15

Ta soilshaghey obbyr y leigh scruit ayns nyn greeaghyn, nyn gooinsheanseyn myrgeddin gymmyrkey feanish, as nyn smooinaghtyn hene deyrey, ny seyrey ad ec y traa cheddin.)

Deuteronomy 23:14

Son ta’n Chiarn dty Yee gimmeeaght ayns mean dty champ, dy livrey oo, as dy chur dty noidyn fo-chosh royd: shen-y-fa vees dty champ casherick, nagh vaik eh red erbee neu-ghlen aynyd, as chyndaa ersooyl voïd.

Deuteronomy 4:33

Ren rieau ashoon clashtyn coraa Yee, loayrt ass mean yn aile, myr t’ou uss er chlashtyn, as ad ve bio?

Deuteronomy 5:25

Shen-y-fa nish, ny lhig dooin baase y gheddyn; son nee’n aile mooar shoh shin y stroie. My nee mayd clashtyn coraa’n Chiarn y Jee ain arragh, eisht yiow mayd baase.

Hebrewnee 4:13

Chamoo ta cretoor erbee keillit ayns e enish: agh ta dy chooilley nhee rooisht as foshlit gys ny sooillyn echeysyn, da ta shin dy choyrt coontey.

Ashlish 6:15

As ren reeaghyn y thallooin, as ny ard-gheiney, as ny berchee, as ny ard-chaptanyn, as ny deiney pooaral, as dy chooilley ghooinney ayns bondiaght, as ooilley ayns seyrsnys, ad-hene y ollaghey ayns ooigyn, as fo creggyn ny sleityn.