Genesis 3:7 - Yn Vible Casherick 1775 1819

⁷ As va ny sooillyn oc ny-neesht er nyn vosley, as hoig ad dy row ad rooisht: as ren ad fee duillagyn figgagh cooidjagh, dy choodaghey ad hene.

Genesis 3:7 ပူးပေါင်းရင်းမြစ်များ

Genesis 2:25

As v’ad ny-neesht rooisht yn dooinney as e ven: as cha row oyr nearey orroo.

Genesis 3:5

Son ta fys ec Jee, er y laa nee shiu gee jeh, dy bee ny sooillyn eu foshlit: as dy bee shiu myr Jeeaghyn toiggal mie as sie.

2 Reeaghyn 6:20

As haink eh gy-kione tra v’ad er jeet gys Samaria, dy dooyrt Elisha, Hiarn, foshil sooillyn ny deiney shoh dy vod ad fakin. As doshil yn Chiarn ny sooillyn oc, as honnick ad; as cur-my-ner, v’adsyn ayns mean Samaria.

Isaiah 28:20

Son ta’n lhiabbee ro yiare son dooinney dy heeyney eh-hene er; as yn eaddagh lhiabbee ro choon da dy hoïlley eh-hene ayn.

Isaiah 47:3

Bee dty scammylt er ny hoilshaghey, eer bee dty nearey er ny akin: goym’s cooilleeney, as cha jig-ym dty whail myr dooinney.

Isaiah 59:6

Cha jig ny eggaghyn oc dy ve garmadyn, chamoo nee ad coodaghey ad-hene lesh yn ghrease oc hene: ta nyn obbraghyn obbraghyn dy vee-chairys, as ta tranlaase ayns nyn laueyn.

Dobberan 1:8

S’mooar ta peccah Yerusalem er ve: t’ee er-y-fa shen er ny scarrey: ta adsyn ooilley v’ayns yn ammys eck soiaghey beg j’ee, son dy vel ad er vakin yn nearey eck: dy jarroo t’ee gosnaghey as chyndaa cooyl.

Noo Luke 16:23

As ayns niurin, raad v’eh er ny horchaghey, hrog eh seose e hooillyn, as honnick eh Abraham foddey veih, as Lazarus ayns e oghrish.

1 Corinthianee 12:23

As ny oltyn shen jeh’n chorp, sloo ta shin dy choontey jeu, orroo smoo dy stoamid ta shin dy stowal, as ny oltyn neu-yesh ain er nyn goamrey lesh onnor foddey smoo.

Deuteronomy 28:34

Myr shen dy bee oo ass dty cheeayll, lesh ny shillaghyn vees roish dty hooillyn.

Briwnyn 3:2

Dy voddagh sluight cloan Israel ve ynsit dy chaggey, yn chooid sloo nyn lheid as nagh row cliaghtit er roïe;)