Genesis 3:5 - Yn Vible Casherick 1775 1819

⁵ Son ta fys ec Jee, er y laa nee shiu gee jeh, dy bee ny sooillyn eu foshlit: as dy bee shiu myr Jeeaghyn toiggal mie as sie.

Genesis 3:5 ပူးပေါင်းရင်းမြစ်များ

Genesis 2:17

Agh jeh’n billey dy hushtey jeh mie as sie, cha negin dhyt gee: son er y laa ee-ys oo jeh, bee oo dy shickyr fo briwnys baase.

Genesis 2:9

As magh ass y thalloo hug y Chiarn Jee er dy chooilley villey gaase ta pleasal da’n thooill, as mie son beaghey; yn billey dy vea myrgeddin t’ayns mean y gharey, as y billey dy hushtey jeh mie as sie.

Genesis 3:10

As dooyrt eh, Cheayll mee dty choraa ’sy gharey, as va aggle orrym, er-yn-oyr dy row mee rooisht; as dollee mee mee-hene.

Genesis 3:22

As dooyrt y Chiarn Jee, Cur-my-ner ta’n dooinney myr-yien er jeet dy ve myr unnane j’inyn, dy hoiggal mie as sie: as nish son nagh der eh magh e laue, as dy gow eh myrgeddin jeh billey’n vea, as gee jeh, as ve dy bragh beayn.

Genesis 3:7

As va ny sooillyn oc ny-neesht er nyn vosley, as hoig ad dy row ad rooisht: as ren ad fee duillagyn figgagh cooidjagh, dy choodaghey ad hene.

1 Reeaghyn 22:6

Eisht ren ree Israel sumney ny phadeyryn cooidjagh, mygeayrt kiare cheead dooinney, as dooyrt eh roo, Jem seose dy chaggey noi Ramoth-gilead, ny jean-ym lhiggey shaghey? As dooyrt ad, Immee seose; son nee’n Chiarn livrey eh gys laue yn ree.

2 Recortyssyn 32:15

Ny lhig da Hezekiah, er-y-fa shen, shiu y volley, ny y choyrlaghey shiu er yn aght shoh, chamoo cur-jee geill da: son cha row’n jee shen fud ashoon, ny reeriaght erbee abyl dy livrey e phobble ass my laue’s, ny ass laue m’ayraghyn: foddey sloo oddys y Jee euish shiuish y livrey ass my laue’s?

Psalmyn 12:4

Adsyn ta er ghra, Lesh nyn jengey yiow mayd barriaght: shin hene lhisagh loayrt; quoi ta ny hiarn harrin?

Exodus 20:7

Cha gow ennym y Chiarn dty Yee ayns fardail; son cha gum y Chiarn eshyn gyn loght ta goaill e ennym ayns fardail.

Exodus 5:2

As dooyrt Pharaoh, Quoi’n Chiarn, dy vel mish dy choyrt biallys gys e choraa, dy lhiggey’n raad da Israel? cha nione dooys y Chiarn, chamoo lhig-yms y raad da Israel.

Isaiah 14:14

Hem’s seose erskyn yrjid ny bodjallyn, beem’s corrym rish yn Er smoo syrjey.

Ezekiel 13:22

Er-yn-oyr dy vel shiu lesh breagyn er n’yannoo cree yn er-crauee trimshagh, nagh vel mish er n’yannoo trimshagh; as er niartaghey laueyn ny mee-chrauee, gyn eh dy hyndaa veih e ghrogh raad, liorish gialdynys bea da:

Ezekiel 28:12

Vac y dooinney, trog seose bardoon er ree Tyrus, as abbyr rish, Myr shoh ta’n Chiarn Jee dy ghra, T’ou sealal seose yn sym, lane dy chreenaght, as slane aalid.

Ezekiel 28:2

Vac y dooinney, abbyr rish prince Tyrus, Myr shoh ta’n Chiarn Jee dy ghra, Er-yn-oyr dy vel dty chree troggit seose, as dy vel oo er ghra, Ta mish my Yee, ta mee soie er stoyl Yee, ayns mean ny faarkaghyn; foast cha vel oo agh dooinney, as cha nee Jee, ga dy vel oo smooinaghtyn ayns dty chree dy ve myr Jee:

Ezekiel 28:9

Jean oo foast gra kiongoyrt rishyn ta stroie oo, Ta mish my Yee? agh she dooinney vees oo, as cha nee Jee ’sy laue echeysyn ta dy stroie oo.

Ezekiel 29:3

Loayr, as abbyr, Myr shoh ta’n Chiarn Jee dy ghra, Cur-my-ner, ta mish dt’oï’s, Pharaoh, ree Egypt, yn dragon mooar ta lhie ayns mean ny awinyn echey, ta er ghra, Ta’n awin aym’s lhiam pene, as my chour hene ta mee er n’yannoo eh.

Daniel 4:30

Loayr y ree, as dooyrt eh, Nagh nee shoh Babylon mooar, ta mee er hroggal son thie yn reeriaght, liorish niart my phooar, as son onnor my ooashley?

Daniel 6:7

Ta ooilley ard-reiltee y reeriaght, ny kiannoortyn, as ny princeyn, ny fir-choyrlee, as ny captanyn er choyrt nyn goyrle dy cheilley, dy hickyraghey slattys reeoil, as dy yannoo sarey fondagh, quoi-erbee hirragh aghin er Jee erbee ny dooinney, son jeih laa as feed, er-lhimmey jeed’s, O ree, dy bee eh er ny hilgey ayns ooig ny lionyn.

Noo Mian 6:23

Agh my ta assee er dty hooill, bee dty slane corp ayns dorraghys. My ta’n soilshey ta aynyd’s er-y-fa shen ny ghorraghys, nagh mooar yn dorraghys eh!

Jannoo 26:18

Dy osley nyn sooillyn, as dy hyndaa ad veih dorraghys gys soilshey, as veih pooar Noid-ny-hanmey gys Jee, dy vod ad leih peccaghyn y gheddyn, as eiraght nyn mast’ ocsyn t’er nyn gasherickey liorish y credjue ta aynym’s.

2 Corinthianee 11:3

Agh ta aggle orrym, myr ren yn ard-nieu Aue y volley liorish e chialgyn, myr shen dy beagh ny aignaghyn euish liorish saaseyn erbee er nyn gleaynaghey veih’n ônid shen t’ayns Creest.

2 Corinthianee 4:4

Ny-vud oc ta Jee yn seihll shoh er choyrt fo dorraghys ny smooinaghtyn ocsyn nagh vel credjal, nagh jinnagh soilshey sushtal gloyroil Chreest, ta co-chaslys Yee, soilshean hucsyn.

2 Thessalonianee 2:4

Quoi ta soiaghey eh-hene seose noi, as troggal eh-hene erskyn ooilley ny ta enmyssit Jee, ny ta er ny ooashlaghey; myr shen dy vel eshyn myr Jee soie ayns chiamble Yee, goaill er hene dy ve Jee.

Ashlish 13:14

As t’eh molley adsyn ta cummal er y thalloo, liorish ny mirrilyn shen va pooar echey dy yannoo ayns shilley’n veisht, gra rish cummaltee’n thallooin dy yannoo jalloo da’n veisht va lhottit liorish y chliwe, as va bio.

Ashlish 13:4

As hug ad ooashley da’n dragon hug pooar da’n veisht: as hug ad ooashley da’n veisht, gra, Quoi ta goll-rish y veisht? quoi oddys caggey n’oï?

Briwnyn 3:2

Dy voddagh sluight cloan Israel ve ynsit dy chaggey, yn chooid sloo nyn lheid as nagh row cliaghtit er roïe;)