Genesis 3:24 - Yn Vible Casherick 1775 1819

²⁴ Myr shen deiyr eh magh yn dooinney: as hoie eh kione-har garey Eden Cherubim, as cliwe ailagh va chyndaa er dy chooilley heu, dy lhiettal y raad gys billey yn vea.

Genesis 3:24 ပူးပေါင်းရင်းမြစ်များ

Genesis 3:23

Shen-y-fa hug y Chiarn Jee magh eh ass garey Eden, dy obbraghey yn thalloo, veih v’eh er ny ghoaill.

Genesis 4:1

As bione da Adam Eve e ven, as ren ee giennaghtyn, as dymmyrk ee Cain, as dooyrt ee, Ta mee er gheddyn lhiannoo mac veih yn Chiarn.

Genesis 4:14

Cur-my-ner, t’ou er my imman jiu veih eaghtyr y cheer shoh: as veih dty enish bee’m er my eiyrt, as bee’m er my yiooldey magh, as my wagaantagh er yn ooir: as hig eh gy-kione, dagh unnane nee m’y gheddyn magh, dy stroie eh mee.

Psalmyn 104:4

T’eh jannoo e ainleyn spyrrydyn: as e hirveishee lossey dy aile.

Psalmyn 80:1

Clasht, O uss vochilley Israel, uss ta leeideil Joseph myr keyrrey: soilshee oo hene myrgeddin, uss ta dty hoie er ny cherubim.

Psalmyn 99:1

She yn Chiarn y Ree, lhig da’n pobble girree-magh myr sailliu: t’eh ny hoie eddyr ny cherubim ga dy vel y seihll cha anveagh.

Exodus 25:2

Loayr rish cloan Israel, dy der ad lhieu oural hym: veih dy chooilley ghooinney ta coyrt eh dy arryltagh lesh ooilley e chree, nee shiu my oural y ghoaill.

Ezekiel 10:1

Eisht yeeagh mee, as cur-my-ner, ayns yn aer va erskyn ny cherubim, v’er ny akin harrystoo myr dy beagh clagh sapphire, ayns cummey myr co-chaslys stoyl-reeoil.

Ezekiel 31:11

Shen-y-fa ta mish er livrey eshyn gys laue treanagh ny ashoonee: shoh yn fer ghellys rish, ta mee er n’eebyrt magh eh son e vee-chraueeaght.

Earrooyn 22:23

As honnick yn assyl ainle y Chiarn ny hassoo ayns y raad, as e chliwe lommyrtagh ayns e laue; as hyndaa yn assyl dy lhiattee jeh’n raad, as ghow ee yn magher; as woaill Balaam yn assyl, dy chur ee er y raad.

Noo Ean 14:6

Dooyrt Yeesey rish, Mish y raad, yn irriney, as y vea: cha vel dooinney erbee cheet gys yn Ayr, agh liorym’s.

Hebrewnee 1:7

As mychione ny ainleyn t’eh gra, T’eh jannoo e ainleyn spyrrydyn, as e hirveishee lossey dy aile.

Joshua 5:13

As haink eh gy-kione, tra va Joshua er-gerrey da Jericho, dy hrog eh seose e hooillyn as yeeagh eh, as cur-my-ner, va dooinney ny hassoo jeeragh roish, as cliwe rooisht ny laue: as hie Joshua huggey, as dooyrt eh rish, Vel uss er y cheu ainyn, ny son nyn noidyn?

1 Samuel 4:4

Er shoh hug yn pobble fys gys Shiloh, dy choyrt lhieu veih shen arg conaant y Chiarn dy heshaght-flaunyss, ta cummal eddyr ny cherubim: as va daa vac Eli, Hophni as Phinehas, ayns shen marish arg conaant Yee.