Genesis 3:20 - Yn Vible Casherick 1775 1819

²⁰ As denmys Adam ennym yn ven echey Eve, er-yn-oyr dy nee ish va moir ooilley sheelnaue.

Genesis 3:20 ပူးပေါင်းရင်းမြစ်များ

Genesis 16:11

As dooyrt ainle y Chiarn r’ee, Cur-my-ner t’ou torragh, as ver oo mac son y theihll, as bee yn ennym echey Ishmael, er-yn-oyr dy vel yn Chiarn er chlashtyn dty heaghyn.

Genesis 2:20

As hug Adam ennym er ooilley’n maase, as er eeanlee yn aer, as er ooilley beiyn y vagher: agh er son Adam, cha row cooney cooie er ny gheddyn.

Genesis 2:23

As dooyrt Adam, Shoh nish craue jeh my chraueyn, as feill jeh m’eill: bee ee enmyssit ben, er-yn-oyr dy row ee er ny ghoaill ass dooinney.

Genesis 3:21

Da Adam myrgeddin as e ven, dynsee yn Chiarn Jee dy yannoo coamrey dy chraitnyn dy choodaghey ad hene.

Genesis 35:18

As haink eh gy-kione, myr v’ee ayns paartail, (son hooar ee baase) dy denmys ee eh Benoni: agh denmys e ayr eh Benjamin.

Genesis 5:29

As ren eh genmys eh Noah, gra, Nee eh shoh shin y gherjaghey ayns nyn obbyr as tooilleil nyn laueyn, kyndagh rish y thalloo ta’n Chiarn er gheyrey:

Exodus 2:10

As daase y lhiannoo, as hug ee lh’ee eh gys inneen Pharaoh, as hrog ee eh myr e mac hene. As denmys ee eh Moses: as dooyrt ee, Son dy hayrn mee eh ass yn ushtey.

Noo Mian 1:21

As ver ee mac son y theihll, as nee oo genmys eh Yeesey, son sauee eh e phobble veih nyn beccaghyn.

Noo Mian 1:23

Cur-my-ner nee moidyn gientyn, as ver ee mac son y theihll, as nee ad genmys eh Emmanuel, ta shen dy ghra, Jee mârin.)

Jannoo 17:26

As dy vel eh er n’yannoo jeh’n un uill ooilley ashoonyn sheelnaue, dy vaghey er slane eaghtyr y thallooin, as dy vel eh er n’oardaghey ny earishyn roïe kiarit, as cagliaghyn ny cheeraghyn oc:

2 Corinthianee 11:3

Agh ta aggle orrym, myr ren yn ard-nieu Aue y volley liorish e chialgyn, myr shen dy beagh ny aignaghyn euish liorish saaseyn erbee er nyn gleaynaghey veih’n ônid shen t’ayns Creest.

1 Timothy 2:13

Son va Adam hoshiaght er ny chroo, as eisht Aue.

1 Samuel 1:20

Shen-y-fa haink eh gy-kione, lurg da Hannah v’er yientyn, as y traa eck er jeet, dy ren ee mac y ymmyrkey, as denmys ee eh Samuel, gra, Er-yn-oyr dy vel mee er yeearree eh veih’n Chiarn.