Genesis 3:18 - Yn Vible Casherick 1775 1819

¹⁸ Drineyn myrgeddin as onnaneyn nee eh gymmyrkey dhyt: as nee oo beaghey er lhuss y vagher.

Genesis 3:18 ပူးပေါင်းရင်းမြစ်များ

Genesis 3:17

As dooyrt eh rish Adam, Er-y-fa dy vel oo er choyrt geill da goan dty ven, as dy vel oo er n’ee jeh’n villey my-e-chione ren mee dty harey, gra, Cha negin dhyt gee jeh: cursit ta’n thalloo kyndagh rhyt’s: ayns trimshey nee oo gee jeh ooilley laghyn dty vea.

Genesis 3:19

Ayns ollish dty vaaish nee oo gee dty arran, derrey chyndaa-ys oo gys yn ooir: son ass shen v’ou er dty ghoaill: son joan oo, as gys joan nee oo reesht chyndaa.

Lioar Yob 1:21

As dooyrt eh, Rooisht haink mee ass breïn my vayrey, as rooisht chyndaa-ym reesht gys yn ooir: yn Chiarn ren coyrt, as ta’n Chiarn er ghoaill ersooyl; bannit dy row ennym y Chiarn.

Lioar Yob 31:40

Lhig da onnaneyn gaase seose ayns ynnyd curnaght, as coggyl ayns ynnyd oarn. Shoh jerrey er goan Yob.

Lioar Yob 5:5

Yn fouyr oc ta ny accryssee gee seose, as t’ad dy ghoaill eh veih mastey ny drineyn, as ta’n roosteyr sluggey seose nyn gooid.

Psalmyn 104:2

T’ou dy choamrey oo hene lesh soilshey myr lesh garmad: as skeayley magh ny niaughyn myr curtan;

Psalmyn 90:3

T’ou chyndaa dooinney gys toyrt-mow: reesht t’ou gra, Tar-jee reesht, shiuish chloan gheiney:

Raaghyn Creeney 22:5

Ta drineyn, as ribbaghyn ayns raad ny camlaagee: agh eshyn ta jeeaghyn dy mie gys e annym hene vees foddey voue.

Raaghyn Creeney 24:31

As cur-my-ner, ve ooilley er n’aase harrish lesh drineyn, as va’n slane eaghtyr echey coodit lesh undaagagh, as va’n voalley chloaie er duittym.

Isaiah 32:13

Er cheer my phobble hig seose drineyn as dressyn, dy jarroo er ooilley ny thieyn dy reaïd, ayns yn ard-valley rouanagh.

Isaiah 5:6

As lhig-ym naardey eh: as cha bee eh er ny phollal, chamoo vees eh er ny rourey; agh ver eh magh dressyn as drineyn: ver-yms ny bodjallyn myrgeddin fo harey, nagh shill ad fliaghey er.

Isaiah 7:23

As hig eh gy-kione ’sy laa shen, dy bee dy chooilley ynnyd, raad va thousane billey-feeyney [soit] son thousane shekel, dy bee eh eer fo dressyn as drineyn.

Isaiah 7:24

Lesh sideyn as lesh bowghyn hig deiney ayn; er-yn-oyr dy bee ooilley yn cheer fo dressyn as drineyn.

Jeremiah 12:13

T’ad er chuirr curnaght, agh nee ad drineyn y vuinn; t’ad er ghoaill niart tooilleil orroo hene, agh gys beggan ymmyd: s’moal vees nyn moggey jeh nyn droar, kyndagh rish jymmoose hrome y Chiarn.

Jeremiah 4:3

Son myr shoh ta’n Chiarn dy ghra rish deiney Yudah as Yerusalem, Brish-jee seose yn thalloo banejagh eu, as ny cuirr-jee mastey drineyn.

Noo Mian 13:7

As huitt paart mastey drineyn: as daase ny drineyn seose as phloogh ad eh.

Romanee 14:2

Son ta fer credjal dy vod eh gee dy chooilley nhee: fer elley ta faase, t’eh gee lossyreeyn.

Hebrewnee 6:8

Agh ta shen ta gymmyrkey drineyn as dressyn, faagit mooie, as faggys da mollaght; ta’n jerrey echey dy ve losht.

Joshua 23:13

Toig-jee son firrinys nagh jean y Chiarn y Jee eu arragh gimman magh reue veg jeh ny ashoonyn shoh; agh bee ad myr ribbaghyn as geulaghyn diu, as son drineyn, ayns nyn lhiatteeyn, as jilg ayns nyn sooillyn, derrey hed shiu naardey ass y cheer mie shoh, ta’n Chiarn nyn Yee er choyrt diu.