Genesis 3:17 - Yn Vible Casherick 1775 1819

¹⁷ As dooyrt eh rish Adam, Er-y-fa dy vel oo er choyrt geill da goan dty ven, as dy vel oo er n’ee jeh’n villey my-e-chione ren mee dty harey, gra, Cha negin dhyt gee jeh: cursit ta’n thalloo kyndagh rhyt’s: ayns trimshey nee oo gee jeh ooilley laghyn dty vea.

Genesis 3:17 ပူးပေါင်းရင်းမြစ်များ

Genesis 3:11

As dooyrt eh, Quoi dinsh dhyt dy row rooisht? Vel oo er n’ee jeh’n villey my-e-chione hug mee sarey dhyt, nagh jinnagh oo gee jeh.

Genesis 3:18

Drineyn myrgeddin as onnaneyn nee eh gymmyrkey dhyt: as nee oo beaghey er lhuss y vagher.

Genesis 3:6

As tra honnick y ven dy row yn billey mie son beaghey: as aalin gys y thooill; as billey dy ve er ny yeearree dy yannoo creeney: ghow ee jeh’n vess, as ren ee gee; as hug ee myrgeddin da e sheshey va mâree, as ren eshyn gee.

Genesis 5:29

As ren eh genmys eh Noah, gra, Nee eh shoh shin y gherjaghey ayns nyn obbyr as tooilleil nyn laueyn, kyndagh rish y thalloo ta’n Chiarn er gheyrey:

Genesis 8:21

As ren y Chiarn soiagh dy mie jeh’n oural, as dooyrt y Chiarn ayns e chree, Cha jean-ym arragh yn seihll y stroie er yn aght shoh, er coontey sheelnaue; ga dy vel smooinaghtyn chree dooinney peccoil veih e aegid: chamoo nee’m arragh dagh nhee bio y stroie, myr ta mee er n’yannoo.

Lioar Yob 14:1

Dooinney t’er ny ruggey jeh ben, t’eh giare-heihltagh, as lane dy hreihys.

Lioar Yob 21:17

Cre cha mennick ta cainle ny mee-chrauee er ny chur ass! cre cha leah ta’n toyrt-mow oc cheet orroo! ta Jee rheynn magh trimshey ayns e yymmoose.

Psalmyn 127:2

Mannagh vel y Chiarn freayll yn ard-valley: ta’n arreyder dooisht ayns fardail.

Ecclesiastes 2:11

Eisht yeeagh mee er ooilley ny obbraghyn, va my laueyn er n’yannoo, as er dy chooilley nhee, va mee er ghoaill orrym dy chooilleeney: as cur-my-ner, va ooilley fardail as seaghney cree, as nagh vel shickyrys ayns nhee erbee fo’n ghrian.

Ecclesiastes 2:17

Shen-y-fa cha by-haittin lhiam y vea shoh, er-yn-oyr dy dooar mee deinys ayns dy chooilley obbyr ta jeant fo’n ghrian: son ta dy chooilley nhee fardail as seaghney cree.

Ecclesiastes 5:17

Ooilley e laghyn myrgeddin, goaill e veaghey ayns dorraghys, as t’echey mooarane trimshey, as sou-aigney lesh e hingys.

Noo Mian 22:12

As dooyrt eh rish, Heshey vie, kys haink uss stiagh ayns shoh, fegooish garmad-banshey? As cha row fockle echey dy ghra.

Noo Mian 25:45

Eisht nee eh nyn reggyrt, gra, Dy firrinagh ta mee gra riu, Ayns wheesh as nagh ren shiu eh son unnane jeh’n vooinjer sloo jeu shoh, cha ren shiu eh er my hon’s.

Noo Luke 19:22

As dooyrt eh rish, Ass dty veeal hene nee’m oo y vriwnys, uss ghrogh harvaant, Va fys ayd dy row mee my ghooinney creoi, troggal shen nagh dug mee sheese, as buinn shen nagh chuirr mee:

Noo Ean 16:33

Ny reddyn shoh ta mee er loayrt riu, aynym’s dy vod shee y ve eu. Ayns y theihll vees seaghyn eu: agh bee-jee dy yien mie, ta mish er gheddyn barriaght er y theihll.

Romanee 3:19

Nish ta fys ain cre-erbee ta’n leigh dy ghra, te dy ghra roosyn ta fo’n leigh: dy vod dagh beeal ve ny host, as dy vod ooilley’n seihll ve oolee fenish Yee.

Hebrewnee 6:8

Agh ta shen ta gymmyrkey drineyn as dressyn, faagit mooie, as faggys da mollaght; ta’n jerrey echey dy ve losht.