Genesis 3:16 - Yn Vible Casherick 1775 1819

¹⁶ Dooyrt eh rish y ven, Neem’s dy mooar bishaghey dty hrimshey, as dty yiennaghtyn; ayns trimshey ver oo cloan son y theihll, as bee dty yeearree gys dty heshey, as nee eh reill harryd.

Genesis 3:16 ပူးပေါင်းရင်းမြစ်များ

Genesis 4:7

My t’ou jannoo dy mie, nagh bee soiagh jeant jeed? as mannagh vel oo jannoo dy mie, ta peccah lhie ec dty ghorrys: bee eshyn fo dty viallys, as nee oo reill harrish.

1 Recortyssyn 4:9

As va Jabez ny s’ooasle na e vraaraghyn: as denmys e voir eh Jabez, gra, Er-yn-oyr dy dymmyrk mee eh lesh trimshey.

Esther 1:20

As tra vees sarey yn ree er ny ockley magh trooid e slane reeriaght (son s’mooar te) ver ooilley ny mraane onnor da ny deiney oc, chammah ard as injil.

Psalmyn 48:6

Nee uss brishey lhongyn ny marrey: lesh y gheay-niar.

Isaiah 13:8

As bee ad agglagh: gowee angaish as trimshey greme orroo; bee ad ayns pian myr ben er-troailt; bee ad seaghnit yn derrey yeh ec y jeh elley; nee nyn eddin jiargaghey myr aile.

Isaiah 21:3

Er-y-fa shen ta my veeghyn guint lesh pian; ta pianyn er my ghreimmey, myr pianyn ben ta er-troailt: va mee crubbit sheese ec clashtyn eh; va mee agglit ec y chilley echey.

Isaiah 53:11

Ver eh my-ner seaghyn e annym hene, as bee eh er ny gherjaghey: liorish e hushtey nee my harvaant ynrick ymmodee y heyrey; son nee eh gymmyrkey nyn loghtyn.

Jeremiah 13:21

Cre jir oo tra nee eh dty cherraghey? (son t’ou er n’ynsaghey ad dy ve nyn gaptanyn, as dy reill harryd;) nagh jean trimshey oo y ghreimmey, myr ben er-troailt?

Jeremiah 22:23

O chummaltagh Lebanon, ta jannoo dty edd ayns ny biljyn-cedar, kys nee oo gaccan tra hig pianyn ort, angaish myr t’ec ben er-troailt!

Jeremiah 4:31

Son ta mee er chlashtyn coraa myr jeh ben er-troailt, as myr yn angaish ecksh ta cur y chied lhiannoo son y theihll; coraa inneen Zion, dobberan r’ee hene, skeayley magh e laueyn, as gra, ’Smerg dooys nish! son ta m’annym seaghnit kyndagh rish dunveryn.

Jeremiah 49:24

Ta Damascus er n’aase moal, as kiartagh ee hene son chea, as ta aggle er ghreimmey ee: ta angaish as pianyn er ghoaill ee, myr ben er-troailt.

Jeremiah 6:24

Ta shin er chlashtyn skeeal jeu; ta ny laueyn ain gaase moal: ta angaish er ghoaill greme orrin, as pian myr ben er-troailt.

Earrooyn 30:13

Dy chooilley vreearrey, as dy chooilley loo, dy heaghney yn annym, bee eh lurg aigney’n sheshey eck, dy yannoo mie, ny dy vrishey.

Noo Ean 16:21

Ta ben, tra t’ee er-troailt, as trimshey eck, er-yn-oyr dy vel yn oor eck er jeet: agh cha leah as t’ee er ny livrey jeh’n lhiannoo, cha vel ee ny sodjey cooinaghtyn er yn angaish, son boggey dy vel dooinney er ny ruggey gys y theihll.

1 Corinthianee 11:3

Agh baillym shiu dy hoiggal dy nee Creest kione dy chooilley ghooinney; as y dooinney kione e ven; as dy nee Jee kione Chreest.

1 Corinthianee 14:34

Lhig da ny mraane eu ve nyn dhost ayns ny kialteenyn: son cha vel eh lowit dauesyn dy loayrt; agh t’ad sarit dy ve fo biallys, myr ta’n leigh neesht dy ghra.

1 Corinthianee 7:4

Cha vel pooar ec y ven er y chorp eck hene, agh ec y dooinney: as myrgeddin cha vel pooar ec y dooinney er e chorp hene, agh ec y ven.

Colossianee 3:18

Shiuish vraane-poost, jean-jee shiu hene y injillaghey gys ny deiney-poost eu hene, myr te cooie ayns y Chiarn.

1 Thessalonianee 5:3

Son tra jir ad, Shee as sauchys; eisht hig toyrt-mow orroo doaltattym, myr ta pian cheet er ben tra t’ee er-troailt; as cha jean ad scapail.

1 Timothy 2:13

Son va Adam hoshiaght er ny chroo, as eisht Aue.

1 Timothy 2:15

Foast, bee ee er ny hauail ayns gymmyrkey-lhiannoo, my nee ad tannaghtyn ayns credjue as graih, as craueeaght lesh sheeltys.

Titus 2:5

Dy ve tastagh, glen-aignagh, freayll ec y thie, dy ve dooie, biallagh da ny sheshaghyn oc hene, nagh bee goo Yee loayrit dy olk jeh.