Genesis 3:14 - Yn Vible Casherick 1775 1819

¹⁴ As dooyrt y Chiarn Jee rish yn ard-nieu, Er-yn-oyr dy vel oo er n’yannoo shoh, t’ou cursit erskyn dy chooilley chretoor; as erskyn ooilley maase y vagheragh; er dty volg nee oo snaue, as joan nee oo gee ooilley laghyn dty vea.

Genesis 3:14 ပူးပေါင်းရင်းမြစ်များ

Genesis 3:1

Nish va’n ard-nieu ny s’croutagh na ooilley cretooryn y vagher va’n Chiarn Jee er chroo: as dooyrt eh rish y ven, Nee son dy vel Jee er ghra, Cha negin diu gee jeh dy chooilley villey ’sy gharey?

Genesis 4:11

As nish t’ou fo mollaght er y thalloo, t’er vosley e beeal dy ghoaill fuill dty vraarey veih dty laue.

Genesis 9:6

Quoi-erbee ta deayrtey fuill dooinney liorish dooinney bee yn uill echeysyn er ny gheayrtey; son ayns caslys Yee hie dooinney er croo.

Psalmyn 72:9

Adsyn ta baghey ’syn aasagh nee ad gliooney sheese kiongoyrt rish: nee e noidyn yn joan y liee.

Isaiah 29:4

As bee oo er dty injillaghey, as nee oo loayrt myr fo-halloo, as bee e ghlare tassane myr ass y joan, as bee dty choraa myr fer ta spyrryd dy obbeeys echey veih fo-halloo, as nee dty ghlare sansheraght myr ass y joan.

Isaiah 65:25

Nee yn moddey-oaldey as yn eayn gyndyr cooidjagh, as nee yn lion gee coonlagh myr dow: as joan vees beaghey yn ard-nieu. Cha jean ad skielley ny aggair ayns ooilley my lieau’s casherick, ta’n Chiarn dy ghra.

Leviticus 20:25

Shen-y-fa ver shiu scarrey eddyr beiyn glen as neu-ghlen, as eddyr eeanlee glen as neu-ghlen: as cha jean shiu shiu-hene feohdagh liorish baagh ny eean, ny liorish keint erbee dy red bio ta snaue er y thalloo, shen ta mish er lhiettal veue myr neu-ghlen.

Micah 7:17

Nee ad sliee yn joan myr yn ard-nieu, nee ad snaue ass nyn dhuill myr dhianeyn y thallooin: gowee ad aggle roish y Chiarn y Jee ain, as bee ad fo atchim kiongoyrt rhyt.