Genesis 3:10 - Yn Vible Casherick 1775 1819

¹⁰ As dooyrt eh, Cheayll mee dty choraa ’sy gharey, as va aggle orrym, er-yn-oyr dy row mee rooisht; as dollee mee mee-hene.

Genesis 3:10 ပူးပေါင်းရင်းမြစ်များ

Genesis 2:25

As v’ad ny-neesht rooisht yn dooinney as e ven: as cha row oyr nearey orroo.

Genesis 3:11

As dooyrt eh, Quoi dinsh dhyt dy row rooisht? Vel oo er n’ee jeh’n villey my-e-chione hug mee sarey dhyt, nagh jinnagh oo gee jeh.

Genesis 3:7

As va ny sooillyn oc ny-neesht er nyn vosley, as hoig ad dy row ad rooisht: as ren ad fee duillagyn figgagh cooidjagh, dy choodaghey ad hene.

Lioar Yob 23:15

Shen-y-fa ta mee seaghnit kiongoyrt rish; tra ta mee smooinaghtyn er, ta mee ayns aggle roish.

Lioar Yob 31:33

My ren mee my pheccaghyn y choodaghey myr ren Adam, liorish keiltyn my loght fo my oghrish;

Psalmyn 119:120

Ta my eill er-creau son aggle jeed’s: as ta mee fo atchim dty vriwnyssyn.

Exodus 20:18

As honnick ooilley’n pobble ny taarneeyn, as ny tendreilyn, as sheean y trumpet, as y slieau fo yaagh; as tra honnick y pobble shoh, scugh ad, as hass ad ny sodjey jeh.

Exodus 20:19

As dooyrt ad rish Moses, Loayr uss rooinyn, as ver mayd clashtyn: agh ny lhig da Jee loayrt rooin, nagh vow mayd baase.

Exodus 3:6

Dooyrt eh myrgeddin, Mish Jee dty ayrey, Jee Abraham, as Jee Isaac, as Jee Yacob. As choodee Moses e eddin: son va aggle er dy yeeaghyn er Jee.

Exodus 32:25

As tra honnick Moses dy row’n pobble rooisht, (son va Aaron er roostey ad gys nyn nearey, mastey nyn noidyn)

Isaiah 33:14

Ta aggle er ghreimmey ny peccee t’ayns Zion; ta creau doaltattym er ghoaill ny crauee-oalsey: quoi ny mast’ ain oddys cummal ayns yn aile lhome-loshtee! quoi nyn mastey oddys surranse ayns loshtaghyn dy bragh farraghtyn!

Isaiah 47:3

Bee dty scammylt er ny hoilshaghey, eer bee dty nearey er ny akin: goym’s cooilleeney, as cha jig-ym dty whail myr dooinney.

Isaiah 57:11

As quoi roish t’ou er ny ve ayns aggle ny imnea, dy vel oo er n’yannoo breg, as nagh vel oo er chooinaghtyn orrym’s, ny er n’ghoaill shoh gys dty chree? nagh vel mish er ve my host eer er-dyn chenn earish, as cha vel oo goaill aggle roym?

Deuteronomy 5:25

Shen-y-fa nish, ny lhig dooin baase y gheddyn; son nee’n aile mooar shoh shin y stroie. My nee mayd clashtyn coraa’n Chiarn y Jee ain arragh, eisht yiow mayd baase.

1 Ean 3:20

Son my ta ny creeaghyn ain dy gheyrey shin, ta Jee erskyn ny creeaghyn ain, as ta fys echey er dy chooilley nhee.

Ashlish 16:15

Cur-my-ner, ta mee cheet myr maarliagh. Bannit t’eshyn ta er e arrey, as freayll e gharmadyn, nagh jed eh rooisht, as dy vaik ad e nearey.