Genesis 28:2 - Yn Vible Casherick 1775 1819

² Trog ort, immee royd gys Padan-aram, gys thie Vethuel ayr dty vayrey; as gow uss ben veih shen jeh inneenyn Laban, braar dty vayrey.

Genesis 28:2 ပူးပေါင်းရင်းမြစ်များ

Genesis 24:10

As ghow yn stiurt jeih camelyn, jeh camelyn e vainshtyr, as jimmee eh roish, [Son va ooilley chooid e vainshtyr fo e laue] as dirree eh, as hie eh gys Mesopotamia, gys ard-valley Nahor.

Genesis 24:29

As va braar ec Rebekah, enmyssit Laban: as roie Laban magh gys y dooinney, ec y chibbyr.

Genesis 24:4

Agh hed oo gys my heer hene, as gys my chynney, as gowee oo ben da my vac Isaac.

Genesis 24:50

Eisht dreggyr Laban as Bethuel, as dooyrt ad, Ta’n chooish shoh veih’n Chiarn: cha vod mayd gra n’oï.

Genesis 25:20

As va Isaac da-eed bleïn dy eash, tra phoose eh Rebekah, inneen Vethuel yn Syrian jeh Padan-aram, shuyr Laban y Syrian.

Genesis 28:5

As hug Isaac Jacob ersooyl, as hie eh gys Padan-aram, gys Laban, mac Vethuel yn Syrian, braar Rebekah, moir Yacob as Esau.

Genesis 29:1

Eisht hie Jacob er e yurnah, as haink eh gys cheer pobble y shiar.

Genesis 31:18

As hug eh lesh ersooyl ooilley e vaase, as ooilley e chooid v’eh er chosney, yn maase jeh’n chosney echey hene, v’eh er gheddyn ayns Padan-aram; dy gholl gys Isaac e ayr ayns cheer Chanaan.

Genesis 32:10

Cha vel mish feeu jeh’n ayrn sloo jeh ooilley ny myghinyn, as jeh ooilley yn chenjallys ynrick t’ou er hoilshaghey da dty harvaant: son cha row aym agh my lorg tra hie mee harrish yn Jordan shoh, as nish ta mee er jeet dy ve daa heshaght vooar.

Genesis 33:18

As haink Jacob gys Shalem, ard-valley jeh Shechem, t’ayns cheer Chanaan, tra haink eh veih Padan-aram; as hoie eh e chabbane er-gerrey da’n ard-valley.

Genesis 35:9

As hoilshee Jee eh-hene da Jacob reesht, tra haink eh magh ass Padan-aram: as vannee eh eh.

Genesis 46:15

Ad shoh mec Leah, dymmyrk ee da Jacob ayns Padan-aram, as e inneen Dinah; va ooilley anmeenyn e vec as e inneenyn, three-jeig as feed.

Hosea 12:12

As ren Jacob chea gys cheer Syria, as ren Israel failley eh-hene son ben, as son ben v’eh ny vochilley keyrragh.

Hosea 12:13

As liorish phadeyr hug y Chiarn lesh Israel magh ass Egypt, as liorish phadeyr v’eh er ny choadey.