Genesis 28:1 - Yn Vible Casherick 1775 1819

¹ As deïe Isaac er Jacob, as vannee eh eh, as hug eh currym er, as dooyrt eh rish, Cha jean uss ben y ghoaill jeh inneenyn Chanaan.

Genesis 28:1 ပူးပေါင်းရင်းမြစ်များ

Genesis 24:3

As ver-yms ort breearrey liorish y Chiarn, Jee niau as thalloo, nagh gow ben da my vac, jeh inneenyn ny Canaaniteyn, nyn mast’ ta mee cummal.

Genesis 24:37

As hug my vainshtyr orrym breearrey, gra, Cha gow oo ben da my vac, jeh inneenyn ny Canaaniteyn, ’sy cheer oc ta mee cummal.

Genesis 24:4

Agh hed oo gys my heer hene, as gys my chynney, as gowee oo ben da my vac Isaac.

Genesis 27:4

As aarlee bee blaystal dou, lheid as shinney lhiam, as cur roym eh, dy voddym gee; dy vod m’annym uss y vannaghey, my voym baase.

Genesis 27:46

As dooyrt Rebekah rish Isaac, Ta mee skee jeh my vioys kyndagh rish inneenyn Heth: my ghoys Jacob ben jeh inneenyn Heth, lheid as t’ad shoh inneenyn y cheer, cre sheeagh dou my vioys?

Genesis 28:6

Tra honnick Esau dy row Isaac er vannaghey Jacob, as er choyrt eh ersooyl gys Padan-aram, dy ghoaill ben da veih shen; as myr v’eh dy vannaghey eh, dy dug eh currym er, gra, Cha jean uss ben y ghoaill jeh inneenyn Chanaan;

Genesis 34:16

Eisht ver mayd ny inneenyn ain diuish, as gow mayd ny inneenyn euish dooinyn, as nee mayd cummal mêriu, as bee mayd yn un phobble.

Genesis 34:9

As jean-jee cleunys rooinyn, as cur-jee ny inneenyn euish dooinyn, as gow-jee ny inneenyn ainyn diuish.

Genesis 38:2

As honnick Judah ayns shen inneen Canaanite dy row, va’n ennym echey Shuah: as ghow eh ee, as lhie eh mâree:

Genesis 48:15

As vannee eh Joseph, as dooyrt eh, Jee, kiongoyrt rishyn ren my ayraghyn Abraham as Isaac gimmeeaght, y Jee ta er m’y niartaghey ooilley earish my vea, derrey’n laa t’ayn jiu;

Genesis 49:28

Ad shoh ooilley daa hribe jeig Israel; as shoh eh, ny loayr nyn ayr roo, as vannee eh ad; cordail rish e vannaght er-lheh, vannee eh dagh unnane oc.

Genesis 6:2

Dy vaik mec Yee inneenyn gheiney dy row ad aalin; as ghow ad mraane jeu, lurg nyn yeearree.

Jeremiah 29:6

Poose-jee mraane, as jean-jee mec as inneenyn y gheddyn; as gow-jee mraane son ny mec eu, as cur-jee ny inneenyn eu ayns poosey, dy vod ad gymmyrkey mec as inneenyn; dy vod shiu bishaghey ayns shen, as gyn ve er nyn leodaghey.

Deuteronomy 33:1

As shoh’n bannaght, lesh ren Moses dooinney Yee, cloan Israel y vannaghey, roish e vaase.

Joshua 22:7

Nish da’n derrey lieh jeh tribe Vanasseh va Moses er choyrt eiraght ayns Bashan; agh da’n lieh elley hug Joshua [eiraght] mastey nyn mraaraghyn er y cheu shoh dy Yordan lesh y sheear. As tra hug Joshua ad ersooyl gys nyn gummallyn, ren eh ad y vannaghey;