Genesis 27:40 - Yn Vible Casherick 1775 1819

⁴⁰ As liorish dty chliwe nee oo beaghey, as nee oo shirveish dty vraar: as hig eh gy-kione, tra vees oo er chosney’n varriaght, dy jean oo yn whing echeysyn y vrishey voish dty wannal.

Genesis 27:40 ပူးပေါင်းရင်းမြစ်များ

Genesis 25:23

As dreggyr y Chiarn ee, Ta daa ashoon ayns dty vreïn, as bee daa horch dy leih er nyn scarrey veih dty veeghyn: as bee yn derrey phobble ny s’troshey na yn pobble elley: as nee yn fer shinney shirveish yn fer saa.

Genesis 27:29

Lhig da pobble uss y hirveish, as ashoonyn croymmey hood; bee uss chiarn harrish dty vraaraghyn, as lhig mec dty vayrey biallys ’chur dhyt: bee mollaght ersyn ta guee mollaght ort, as bee bannaght ersyn ta dy dty vannaghey.

Genesis 32:6

As hyndaa ny chaghteryn gys Jacob, gra, Haink shin gys dty vraar Esau, as t’eshyn neesht cheet dty whail, as kiare cheead dooinney mârish.

Genesis 33:9

As dooyrt Esau, Ta dy liooar aym pene, my vraar; freill shen ny t’ayd dhyt hene.

2 Samuel 8:14

As hug eh garrisonyn ayns Edom; trooid magh ooilley Edom hoie eh ad: as haink ooilley cummaltee Edom dy ve fo keesh da David. As ren y Chiarn David y choadey raad erbee dy jagh eh.

2 Reeaghyn 14:10

T’ou uss dy jarroo er woalley Edom, as ta dty chree er dty hroggal seose; jean boggyssagh son shoh, as fuirree ec y thie; son cre’n-fa yinnagh oo roie ayns dangere, oo-hene dy huittym ayns caggey, as Judah mayrt?

2 Reeaghyn 14:7

Varr eh jeh Edom jeih thousaneyn, ayns y ghlione-sollan, as ghow eh Selah ayns caggey, as ren eh genmys eh Joktheel, gys y laa t’ayn jiu.

2 Recortyssyn 21:10

Myr shoh ren ny Edomiteyn reiltys Yudah y chraa jeu gys y traa t’ayn. Ec y traa cheddin, ren Libnah girree-magh n’oï, er-y-fa dy row eh er hreigeil y Chiarn, Jee e ayraghyn.

2 Recortyssyn 21:8

’Sy lhing echeysyn ren ny Edomiteyn girree-magh noi reiltys Yudah, as ren ad ree daue hene.

2 Recortyssyn 28:17

Son va ny Edomiteyn er jeet reesht as er woalley Judah, as er choyrt lhieu ersooyl cappee.

Psalmyn 60:8

Moab my haagh-nieeaghyn, shooill-ym harrish Edom: Philistia, gow uss boggey jee’m.

Noo Mian 10:34

Ny smooinee-jee dy daink mish dy chur lhiam shee er y thalloo: cha daink mee dy chur lhiam shee, agh cliwe.