Genesis 27:4 - Yn Vible Casherick 1775 1819

⁴ As aarlee bee blaystal dou, lheid as shinney lhiam, as cur roym eh, dy voddym gee; dy vod m’annym uss y vannaghey, my voym baase.

Genesis 27:4 ပူးပေါင်းရင်းမြစ်များ

Genesis 14:19

As vannee eshyn eh, as dooyrt eh, Bannit dy row Abram liorish y Jee smoo syrjey, leshyn ta niau as thalloo.

Genesis 24:60

As vannee ad Rebekah as dooyrt ad r’ee, T’ ou uss nyn shuyr; bee uss moir thousaneyn dy villaghyn, as lhig da dty luight possession y ghoaill jeh giat nyn noidyn.

Genesis 27:14

As hie eh roish, as hug eh lesh ad gys e voir: as daarlee e voir bee blaystal, lheid as bynney lesh e ayr.

Genesis 27:17

As hug ee yn bee blaystal, as yn arran v’ee er n’aarlaghey, ayns laue e mac Jacob.

Genesis 27:19

As dooyrt Jacob rish e ayr, Mish Esau dty vac shinney; ta mee er n’yannoo myr doardee oo dou: irree, ta mee guee ort, soie, as ee jeh my feïeys, dy vod dty annym mish y vannaghey.

Genesis 27:23

As cha dug eh enney er, er-yn-oyr dy row e laueyn geyshteenagh, myr laueyn e vraar Esau: myr shen hug eh yn bannaght da.

Genesis 27:25

As dooyrt eh, Soie roym eh, as ee-yms jeh feïeys my vac, dy vod m’annym uss y vannaghey: as hug eh roish eh, as ren eh gee: as hug eh lesh feeyn huggey, as ren eh giu.

Genesis 27:27

As haink eh er-gerrey, as phaag eh eh: as dennee eh soar e choamrey, as vannee eh eh, as dooyrt eh, Cur-my-ner, ta soar my vac myr soar magher, ta’n Chiarn er vannaghey.

Genesis 27:31

As v’eshyn myrgeddin er n’aarlaghey bee blaystal, as er choyrt lesh eh gys e ayr; as dooyrt eh rish e ayr, Lhig da m’ayr girree, as gee jeh feïeys e vac, dy vod dty annym mish y vannaghey.

Genesis 27:5

As cheayll Rebekah, tra loayr Isaac rish Esau e vac. As hie Esau gys y vagher dy helg son feïeys, as dy chur lesh eh.

Genesis 27:7

Cur lhiat feïeys hym, as jean bee blaystal dou, dy voddym’s gee, as uss y vannaghey kiongoyrt rish y Chiarn, roish my vaase.

Genesis 27:9

Immee royd nish gys y chioltane, as cur lhiat hym’s veih shen daa vannan mie jeh ny goair; as neem’s jeu bee blaystal son dty ayr lheid as shynney lesh.

Genesis 28:3

As dy jean Jee ooilley-niartal uss y vannaghey, as dy giall eh dhyt’s dy ve messoil, as oo y vishaghey, as dy vod uss ve earroo dy leih.

Genesis 48:9

As dooyrt Joseph rish e ayr, Ny mec aym’s ad, ta Jee er choyrt dou ’syn ynnyd shoh: as dooyrt eh, Cur lhiat ad, ta mee guee ort, hym’s, as ver-ym my vannaght daue.

Genesis 49:28

Ad shoh ooilley daa hribe jeig Israel; as shoh eh, ny loayr nyn ayr roo, as vannee eh ad; cordail rish e vannaght er-lheh, vannee eh dagh unnane oc.

Noo Luke 2:34

As vannee Simeon ad, as dooyrt eh rish Moirrey e voir, Cur-my-ner ta’n lhiannoo shoh soit dy chur sheese as dy hoiaghey seose ymmodee ayns Israel; as son cowrey dy oltooan.

Noo Luke 24:51

As haink eh gy-kione, choud as v’eh dy vannaghey ad, dy row eh er ny scarrey voue, as er ny hroggal seose gys niau.

Hebrewnee 11:20

Liorish credjue ren Isaac Jacob as Esau y vannaghey mychione reddyn va ry-heet.

Joshua 14:13

As ren Joshua eh y vannaghey, as hug eh da Caleb mac Jephunneh, Hebron, son eiraght.

Joshua 22:6

Myr shoh ren Joshua ad y vannaghey, as hug eh ad ersooyl: as hie ad gys nyn gummallyn.