Genesis 27:24 - Yn Vible Casherick 1775 1819

²⁴ As dooyrt eh, Nee uss dy jarroo my vac Esau? As dooyrt eh, Mish eh.

Genesis 27:24 ပူးပေါင်းရင်းမြစ်များ

Colossianee 3:9

Ny jean-jee breg ry-cheilley, fakin dy vel shiu er chur j’iu yn chenn ghooinney marish e obbraghyn;

Ephesianee 4:25

Shen-y-fa treigeil breagyn, lhig da dy chooilley ghooinney yn irriney y loayrt rish e naboo: son ta shin oltyn yn derrey yeh jeh’n jeh elley.

Raaghyn Creeney 12:22

Ta meillyn breagagh dwoaiagh da’n Chiarn, agh adsyn ta dellal dy firrinagh t’ad boggey da.

Zechariah 8:16

Shoh ny reddyn nee shiu jannoo, Loayr-jee dy chooilley ghooinney yn ynrickys rish e naboo: jean-jee briwnys yn ynrickys as shee y chooilleeney ayns nyn yiattyn.

Raaghyn Creeney 30:8

Scugh foddey voym fardalys as breagyn: ny cur dou edyr boghtynid ny berchys, jean mee magh lesh beaghey cooie er my hon:

Raaghyn Creeney 12:19

Bee meillyn ny firriney er ny hickyraghey son dy bragh: agh cha vel chengey vreagagh agh son tullogh.

Lioar Yob 15:5

Son ta dty veeal hene fockley magh dty vee-chairys, as t’ou goaill myr reih chengey’n chialgeyr.

1 Samuel 27:10

As dooyrt Achish, Quoi noi hie shin magh jiu? As dooyrt David, Noi jiass Yudah, as noi jiass ny Jerahmeeliteyn, as noi jiass ny Keniteyn.

1 Samuel 21:13

As ren eh e ymmyrkey ’chaghlaa kiongoyrt roo, as lhig eh er dy row eh ass e cheeayll, as rouail lesh e laueyn er coollaghyn y yiat, as lhiggey da’n shelley echey shilley sheese er e aasaag.

1 Samuel 21:2

As dooyrt David rish Ahimelech y saggyrt, Ta mee currymit ayns byssness liorish y ree, ta er ghra rhym, Ny lhig da fys ve ec dooinney erbee er y chooish t’ou mysh, ny cre ta er dty churrym: as ta mee er n’oardaghey my heshaght gys lheid as lheid y boayl.

2 Samuel 14:5

As dooyrt y ree r’ee, Cre ta jannoo ort? As dreggyr ee, Ta mish dy jarroo my ven-treoghe as ta my heshey marroo.

Genesis 27:23

As cha dug eh enney er, er-yn-oyr dy row e laueyn geyshteenagh, myr laueyn e vraar Esau: myr shen hug eh yn bannaght da.

Genesis 27:25

As dooyrt eh, Soie roym eh, as ee-yms jeh feïeys my vac, dy vod m’annym uss y vannaghey: as hug eh roish eh, as ren eh gee: as hug eh lesh feeyn huggey, as ren eh giu.

1 Reeaghyn 13:18

Dooyrt eh rish, Ta mish my adeyr neesht myr t’ou uss, as loayr ainle rhym liorish goo’n Chiarn, gra, Cur lhiat eh back mayrt gys dty hie, dy vod eh gee arran as giu ushtey. Agh she breg dinsh eh da.