Genesis 27:19 - Yn Vible Casherick 1775 1819

¹⁹ As dooyrt Jacob rish e ayr, Mish Esau dty vac shinney; ta mee er n’yannoo myr doardee oo dou: irree, ta mee guee ort, soie, as ee jeh my feïeys, dy vod dty annym mish y vannaghey.

Genesis 27:19 ပူးပေါင်းရင်းမြစ်များ

Genesis 25:25

As haink y chied er magh ruy ooilley harrish, myr garmad geyshteenagh; as denmys ad eh Esau.

Genesis 25:28

As bynney lesh Isaac Esau, son dy d’ee eh jeh’n feïeys v’eh dy hayrtyn: agh bynney lesh Rebekah Jacob.

Genesis 27:18

As haink eh gys e ayr, as dooyrt eh, M’ayr: as dooyrt eh, Ta mish ayns shoh; quoi uss my vac?

Genesis 27:21

As dooyrt Isaac rish Jacob, Tar er-gerrey, ta mee guee ort, dy voddym dty loaghtey, my vac, nee oo my eer mac Esau, mannagh nee.

Genesis 27:31

As v’eshyn myrgeddin er n’aarlaghey bee blaystal, as er choyrt lesh eh gys e ayr; as dooyrt eh rish e ayr, Lhig da m’ayr girree, as gee jeh feïeys e vac, dy vod dty annym mish y vannaghey.

Genesis 27:35

As dooyrt eh, Haink dty vraar dy croutagh, as t’eh er ghoaill ersooyl dty vannaght.

Genesis 27:4

As aarlee bee blaystal dou, lheid as shinney lhiam, as cur roym eh, dy voddym gee; dy vod m’annym uss y vannaghey, my voym baase.

Genesis 27:45

Derrey vees corree dty vraar er ny hyndaa ersooyl voïd; as dy jarrood eh ny t’ou er n’yannoo rish: eisht ver-yms fys, as ver-ym lhiam oo veih shen. Cre’n-fa veign er my roostey jeu nyn-neesht ayns un laa?

1 Reeaghyn 13:18

Dooyrt eh rish, Ta mish my adeyr neesht myr t’ou uss, as loayr ainle rhym liorish goo’n Chiarn, gra, Cur lhiat eh back mayrt gys dty hie, dy vod eh gee arran as giu ushtey. Agh she breg dinsh eh da.

1 Reeaghyn 14:2

As loayr Jeroboam rish e ven, Trog ort, ta mee guee ort, as cur oo-hene ayns lheid y cummey nagh vod enney’ve ort dy nee oo ben Yeroboam; as immee royd gys Shiloh: cur-my-ner, ta Ahijah yn phadeyr ayns shen, eh dinsh dou dy beign my ree harrish yn pobble shoh.

Isaiah 28:15

Er-yn-oyr dy vel shiu er ghra, Ta shin ayns conaant rish y vaase, as rish niurin ta shin er n’yannoo coardail; tra ta’n slatt goll trooid y cheer myr thooilley, cha jig eh orrin; son ta shin er n’yannoo breagyn nyn gemmyrk, as fo molteyrys ta shin er ollaghey shin hene.