Genesis 26:8 - Yn Vible Casherick 1775 1819

⁸ As haink eh gy-kione, erreish da ve ayns shen son foddey dy hraa, dy yeeagh Abimelech ree ny Philistinee magh er uinniag, as honnick eh, as cur-my-ner, va Isaac myr dy beagh eh sooree er Rebekah e ven.

Genesis 26:8 ပူးပေါင်းရင်းမြစ်များ

Genesis 26:7

As dênee deiney yn ynnyd jeh mychione e ven: as dooyrt eh, She my huyr ee: son va aggle er dy ghra, She my ven ee, er-aggle, dooyrt eh, dy jinnagh deiney yn ynnyd m’y varroo, er graih Rebekah, son dy row ee aalin dy yeeaghyn urree.

Genesis 26:9

As deïe Abimelech er Isaac, as dooyrt eh, Cur-my-ner, son shickyrys she dty ven ee; as kys dooyrt uss, She my huyr ee? As dooyrt Isaac rish, Er-yn-oyr dy row aggle orrym, dy jinnagh ad mish dy baase er y choontey eck’s.

Raaghyn Creeney 7:6

Son ec uinniag my hie, yeeagh mee trooid my chasement,

Ecclesiastes 9:9

Jean beaghey dy gerjoil marish y ven shynney lhiat, ooilley laghyn dty vea varvaanagh, t’eh fordrail dhyt fo’n ghrian, ooilley laghyn dty ardail: son shen dty chronney ’sy vea shoh, as ayns dty obbyr t’ou dy ghoaill fo’n ghrian.

Arrane Solomon 2:9

Ta my ghraih myr feeaïh aalin aeg: cur-my-ner, t’eh shassoo cooyl yn voalley ain, t’eh jeeaghyn magh er yn uinniag, t’eh dy yeeaghyn eh-hene trooid y chlea.

Isaiah 62:5

Son myr ta dooinney aeg poosey moidyn, myr shen nee yn Chiarn uss y phoosey: as myr ta’n dooinney-poosee goaill boggey harrish y ven-phoost, myr shen myrgeddin nee dty Yee goaill boggey harryd’s.

Briwnyn 5:28

Yeeagh moir Sisera magh er yn uinniag, as deïe ee veih e shamyr, Cre’n-oyr ta’n fainagh echey fuirriaght choud? cre ta cumrail queeylyn e ainagh?