Genesis 26:7 - Yn Vible Casherick 1775 1819

⁷ As dênee deiney yn ynnyd jeh mychione e ven: as dooyrt eh, She my huyr ee: son va aggle er dy ghra, She my ven ee, er-aggle, dooyrt eh, dy jinnagh deiney yn ynnyd m’y varroo, er graih Rebekah, son dy row ee aalin dy yeeaghyn urree.

Genesis 26:7 ပူးပေါင်းရင်းမြစ်များ

Genesis 12:11

As haink eh gy-kione, myr v’eh tayrn er-gerrey da Egypt, dy dooyrt eh rish Sarai e ven, Cur-my-ner nish, ta fys aym dy vel oo ben aalin dy yeeaghyn ort.

Genesis 12:13

Abbyr, ta mee guee ort, dy nee oo my huyr: dy vod eh ve mie mârym er dty ghraih’s, as bee my vioys er ny hauail er y choontey ayd’s.

Genesis 12:15

Honnick princeyn Pharaoh ee myrgeddin, as voyll ad ee kiongoyrt rish Pharaoh: as va’n ven goit stiagh gys thie Pharaoh.

Genesis 20:11

As dooyrt Abraham, Er-y-fa dy smooinee mee, son shickyrys, cha vel aggle Yee ’syn ynnyd shoh, as gowee ad ersooyl my vioys er choontey my ven.

Genesis 20:2

As loayr Abraham mychione Sarah e ven, gra, She my huyr ee: as hug Abimelech ree Gerar fys, as ghow eh Sarah.

Genesis 20:5

Nagh dooyrt eshyn rhym; She my huyr ee? as dooyrt ish, dy jarroo ee-hene, She my vraar eh: ayns ônid my chree, as gyn-loghtynid my laueyn, ta mee er n’yannoo shoh.

Genesis 24:16

As va’n ven aeg feer aalin dy yeeaghyn urree, ny moidyn, chamoo va ec dooinney dy yannoo r’ee, as hie ee sheese gys y chibbyr, as lhieen ee e saagh, as haink ee seose.

Genesis 26:6

As ghow Isaac e chummal ayns Gerar.

Genesis 26:8

As haink eh gy-kione, erreish da ve ayns shen son foddey dy hraa, dy yeeagh Abimelech ree ny Philistinee magh er uinniag, as honnick eh, as cur-my-ner, va Isaac myr dy beagh eh sooree er Rebekah e ven.

Genesis 29:17

Va sooillyn annoon ec Leah, agh va Rachel bwaagh as aalin.

Raaghyn Creeney 29:25

Ta aggle dooinney dy hayrn eh ayns ribbey: agh bee kemmyrk echeysyn ver e varrant er y Chiarn.

Noo Mian 10:28

As ny bee aggle erriu rouesyn varrys y corp, agh nagh jarg er yn annym y varroo: agh bee-jee ayns aggle smoo roishyn oddys annym as callin neesht y stroie ayns niurin.

Ephesianee 5:25

Gheiney-poost, cur-jee graih da ny mraane eu, dy jarroo myr hug Creest myrgeddin graih da’n agglish, as hug eh-hene er e son:

Colossianee 3:9

Ny jean-jee breg ry-cheilley, fakin dy vel shiu er chur j’iu yn chenn ghooinney marish e obbraghyn;