Genesis 26:30 - Yn Vible Casherick 1775 1819

³⁰ As ren eh gien daue, as ren ad gee as giu.

Genesis 26:30 ပူးပေါင်းရင်းမြစ်များ

Genesis 19:3

As hionn eh dy mooar orroo; as hyndaa ad stiagh huggey, as hie ad stiagh ’sy hie: as daarlee eh daue, as ren eh fuinney arran-millish; as ren ad gee.

Genesis 21:8

As daase y lhiannoo, as v’eh er ny harbaa: as ren Abraham cuirraghyn mooarey, yn laa cheddin va Isaac charbaït.

Genesis 26:31

As dirree ad feer voghey, as ren ad breearrey eddyr ad: as lhig Isaac y raad daue, as jimmee ad voish ayns shee.

Genesis 31:54

Eisht heb Jacob oural er yn chronk, as chuir eh e gheiney-mooinjer dy ghoaill beaghey, as ghow ad beaghey; as duirree ad fud-ny-hoie er y chronk.

Exodus 18:12

As ghow Jethro, ayr-’sy-leigh Voses, oural-losht as chebballyn da Jee: as haink Aaron, as ooilley shanstyr Israel, dy ghoaill ayrn ’syn oural, marish ayr-’sy-leigh Voses, fenish Yee.

Romanee 12:18

My oddys eh ve, wheesh as t’ayns nyn booar, jean-jee baghey ayns shee rish dy chooilley ghooinney.

Hebrewnee 12:14

Eiyr-jee da shee rish dy chooilley ghooinney, as da craueeaght, n’egooish cha vod dooinney erbee yn Chiarn y akin.

1 Peddyr 4:9

Cur-jee oltaghey-bea yn derrey yeh da’n jeh elley fegooish mooaraghey.