Genesis 26:29 - Yn Vible Casherick 1775 1819

²⁹ Nagh jean oo aggair erbee dooinyn, myr nagh vel shinyn er choyrt eïe ort’s, as myr nagh vel shin er n’yannoo nhee erbee rhyt agh mie, as er choyrt oo ersooyl ayns shee: t’ou uss nish fer bannit y Chiarn.

Genesis 26:29 ပူးပေါင်းရင်းမြစ်များ

Genesis 24:31

As dooyrt eh rish, Tar stiagh uss vannit jeh’n Chiarn; cre’n-oyr t’ou dy hassoo mooie? Son ta mee er chiartaghey yn thie, as room son ny camelyn.

Genesis 21:22

As haink eh gy-kione, ec y traa shen, dy ren Abimelech as Phicol, ard-chaptan e heshaght-chaggee, loayrt rish Abraham gra, Ta Jee mayrt ayns ooilley ny t’ou dy yannoo.

Psalmyn 115:15

Shiuish ta cloan bannit y Chiarn: chroo niau as y thalloo.

Genesis 22:17

Lesh bannaghtyn neem’s uss y vannaghey, as lesh bishagh neem’s bishaghey dty luight myr rollageyn yn aer, as myr y gheinnagh t’er oirr ny marrey; as yiow dty luight’s possession ayns giat e noidyn.

Genesis 12:2

As jeed’s neem’s ashoon mooar, as nee’m oo y vannaghey, as nee’m dty ennym ooasle, as bee oo son bannaght.

Genesis 12:3

As nee’m adsyn y vannaghey, ta dy dty vannaghey, as ver-ym mollaght ersyn ta guee mollaght ort’s: as aynyd’s vees ooilley ashoonee yn ooir er nyn mannaghey.