Genesis 26:25 - Yn Vible Casherick 1775 1819

²⁵ As hrog eh altar ayns shen, as deïe eh er ennym y Chiarn, as hoie eh e chabbane ayns shen; as shen y raad ren sharvaantyn Isaac chibbyr y chleiy.

Genesis 26:25 ပူးပေါင်းရင်းမြစ်များ

Genesis 13:18

Eisht ren Abram e chabbane y scughey, as haink eh, as ren eh cummal ayns cheer rea Mamre, ta ayns Hebron, As ayns shen hrog eh altar gys y Chiarn.

Genesis 13:4

Gys yn ynnyd raad v’eh er droggal altar ec y toshiaght: as ayns shen ren Abram geamagh er ennym y Chiarn.

Genesis 22:9

As haink ad gys y voayl va Jee er hoilshaghey da, as hrog Abraham altar ayns shen, as chiartee eh yn fuygh, as chiangle eh Isaac e vac, as hug eh ny lhie eh er y fuygh v’er yn altar.

Genesis 26:32

As haink eh gy-kione yn laa cheddin, dy daink sharvaantyn Isaac, as dinsh ad da my chione y chibbyr v’ad er chleiy; as dooyrt ad rish, Ta shin er gheddyn ushtey.

Genesis 33:20

As hrog eh altar ayns shen, as denmys eh eh El-elohe-israel.

Genesis 35:1

As dooyrt Jee rish Jacob, Trog ort, gow seose gys Beth-el, as jean cummal ayns shen: as trog altar ayns shen, da Jee haink kionfenish dhyt, tra v’ou er-chea veih eddin Esau dty vraar.

Genesis 4:26

As da Seth myrgeddin va mac er ny ruggey; as denmys eh eh Enos: eisht ghow deiney toshiaght dy enmys ad hene lurg ennym y Chiarn.

Genesis 8:20

As hrog Noah altar da’n Chiarn, as ghow eh jeh dagh baagh glen, as jeh dagh eean glen, as heb eh ourallyn-losht er yn altar.

Exodus 17:15

As hrog Moses altar, as denmys eh eh Jehovah-nissi.