Genesis 26:22 - Yn Vible Casherick 1775 1819

²² As scugh eh veih shen, as chleiy eh chibbyr elley; as mysh shen cha row streeu erbee; as denmys eh eh Rehoboth; as dooyrt eh, Son nish ta’n Chiarn er chur reamys dooin, as nee mayd bishaghey ’sy cheer.

Genesis 26:22 ပူးပေါင်းရင်းမြစ်များ

Genesis 17:6

As ver-ym ort dy ve erskyn-towse messoil, as neem’s ashoonyn jeed as hig reeaghyn jeh dty luight.

Genesis 26:21

As chleiy ad chibbyr elley, as streeu ad son shen neesht: as denmys eh eh Sitnah.

Genesis 28:3

As dy jean Jee ooilley-niartal uss y vannaghey, as dy giall eh dhyt’s dy ve messoil, as oo y vishaghey, as dy vod uss ve earroo dy leih.

Genesis 41:52

As denmys eh yn nah er Ephraim: son ta Jee er chur orrym ve messoil ayns cheer my heaghyn.

Psalmyn 118:5

Deïe mee er y Chiarn ayns my heaghyn: as hug y Chiarn slane clashtyn dou.

Psalmyn 119:32

Neem’s roie ayns raad dty annaghyn: tra t’ou uss er hoiaghey my chree ec reamys.

Psalmyn 18:19

Hug eh lesh mee magh neesht gys boayl dy reamys: hug eh lesh mee magh, dy jarroo son dy row foayr echey dou.

Psalmyn 4:1

Clasht rhym tra ta mee geamagh, O Yee my chairys: t’ou er choyrt feaysley dooys tra va mee ayns seaghyn; jean myghin orrym, as eaisht rish my phadjer.

Exodus 1:7

As va cloan Israel sluightoil, as ren ad bishaghey dy mooar, as daase ad ayns earroo, as haink ad dy ve erskyn-towse pooaral: as lhieen ad y cheer.

Isaiah 54:2

Jean mooadaghey ynnyd dty chabbane, as lhig daue sheeyney magh curtanyn dty ynnydyn-vaghee: ny lhaggee dty laue, lhig magh dty choyrdyn, as niartee dty stakyn:

Isaiah 54:3

Son brishee oo magh er y laue yesh as er y laue chiare; as gowee dty luight ny ashoonee myr eiraght, as ver ad cummaltee ayns ny ard-valjyn treigit.