Genesis 26:14 - Yn Vible Casherick 1775 1819

¹⁴ Son v’echey niart shioltaneyn as shellooyn, as mooarane mooinjer, as ren ny Philistinee troo mysh.

Genesis 26:14 ပူးပေါင်းရင်းမြစ်များ

Genesis 12:16

As hug eh dellal mie da Abram er y choontey eck’s: as va echey kirree, as dew, as assylyn fyrryn, as fir-vooinjerey, as inneenyn-veyl, as assylyn bwoirryn, as camelyn.

Genesis 13:2

As va Abram feer verchagh ayns maase, ayns argid, as ayns airh.

Genesis 24:35

As ta’n Chiarn dy mooar er vannaghey my vainshtyr; as t’eh er jeet dy ve pooaral: as t’eh er choyrt da shioltaneyn, as shellooyn, as argid, as airh, fir-vooinjerey, as sharvaantyn, camelyn, as assylyn.

Genesis 25:5

As daag Abraham ooilley ny v’echey da Isaac.

Genesis 30:43

As ren y dooinney bishaghey erskyn towse, as va ymmodee maase echey, as sharvaantyn, as fir-vooinjerey, as camelyn as assylyn.

Genesis 37:11

As ren e vraaraghyn troo mysh: agh smooinee e ayr dy dowin er y raa.

Lioar Yob 1:3

Va e chooid myrgeddin shiaght thousane keyrrey, as three thousaneyn dy chamelyn, as queig cheead whing dy ghew, as queig cheead assyl bwoirryn, as niart mooinjer; myr shen dy row yn dooinney shoh yn er s’berchee jeh ooilley deiney’n niar.

Lioar Yob 42:12

Myr shoh vannee’n Chiarn jerrey bea Yob ny smoo na’n toshiaght: son v’echey kiare thousaneyn jeig keyrragh, as shey thousane camel, as thousane whing dy ghew, as thousane assyl bwoirryn.

Lioar Yob 5:2

Son ta sproght marroo yn dooinney ommijagh, as ta troo stroie yn er mee-hushtagh.

Psalmyn 112:10

Hee yn mee-chrauee eh, as bee eh trimshey da: nee eh snaggeraght lesh e eeacklyn, as lheïe ersooyl; nee yeearree yn vooinjer vee-chrauee cherraghtyn.

Psalmyn 112:3

Bee berchys as palchey ayns e hie: as nee e chairys farraghtyn son dy bragh.

Raaghyn Creeney 10:22

Ta bannaght y Chiarn berchagh, as cha vel eh coyrt seaghyn erbee lesh.

Raaghyn Creeney 27:4

Ta jymmoose red eulyssagh, as corree mee-reiltagh; agh quoi oddys shassoo roish troo?

Ecclesiastes 4:4

Reesht smooinee mee er ooilley tooilleil dooinney, as er dy chooilley obbyr yeeragh, eer son shoh dy vel e naboo troo mysh. Ta shoh myrgeddin fardail, as seaghney cree.

1 Samuel 18:9

As va drogh hooill ec Saul er David veih’n laa shen magh.