Genesis 25:2 - Yn Vible Casherick 1775 1819

² As ren ee gymmyrkey da Zimran, as Jokshan, as Medan, as Midian, as Ishbak, as Shuah.

Genesis 25:2 ပူးပေါင်းရင်းမြစ်များ

Genesis 25:1

Lurg shoh ghow Abraham ben elley, as va’n ennym eck Keturah.

Genesis 25:3

As hooar Jokshan Sheba, as Dedan. As mec Dedan, v’ad Asshurim, as Letushim, as Leummim.

Genesis 36:35

As hooar Husham baase, as ren Hadad mac Bedad, [woaill Midian ayns magher Voab], reill ’syn ynnyd echey: as va ennym yn ard-valley echey Avith.

Genesis 37:28

Eisht va Midianiteyn goll shaghey, marchanyn; as hayrn ad, as hrog ad Joseph seose ass yn ooig, as chreck ad Joseph rish ny Ishmaeliteyn, son feed peesh dy argid: as hug adsyn lhieu Joseph gys Egypt.

Genesis 37:36

As chreck ny Midianiteyn eh ayns Egypt, rish Potiphar, fer-oik fo Pharaoh, as captan e ghard.

1 Reeaghyn 11:18

As hrog ad orroo ass Midian, as haink ad gys Paran, as ghow ad deiney mâroo ass Paran, as haink ad gys Egypt, gys Pharaoh ree Egypt, hug thie ad, as doardee eh da beaghey, as hug eh da thalloo.

Lioar Yob 2:11

Nish tra cheayll three caarjyn Yob jeh ooilley ny seaghyn shoh v’er daghyrt da, haink ad dagh fer jeu veih e ynnyd hene; Eliphaz yn Temanite, as Bildad y Shuhite, as Zophar yn Naamathite: son v’ad er choardail ry-cheilley dy heet dy ghobberan mârish, as dy gherjaghey eh.

Jeremiah 25:25

As ooilley reeaghyn Zimri, as ooilley reeaghyn Elam, as ooilley reeaghyn ny Medeyn,

Earrooyn 22:4

As dooyrt Moab rish shanstyr Vidian, Nish nee’n cheshaght shoh sliee seose ooilley ny ta mygeayrt-y-mooin, myr ta’n dow sliee seose faiyr y vagher. As va Balak mac Zippor ree ny Moabiteyn ec y traa cheddin.

Earrooyn 31:2

Gow cooilleeney son cloan Israel er ny Midianiteyn: lurg shen vees oo er dty haglym gys dty phobble.

Earrooyn 31:8

As varr ad reeaghyn Vidian, mâroosyn huitt ayns caggey; ta shen dy ghra, Evi, as Rekem, as Zur, as Hur, as Reba, queig reeaghyn Vidian: Balaam myrgeddin mac Beor varr ad lesh y chliwe.