Genesis 24:7 - Yn Vible Casherick 1775 1819

⁷ Yn Chiarn Jee jeh niau, ghow mee veih thie my ayrey, as veih cheer my chynney, as ren loayrt rhym, as ren breearrey dou, gra, Da dty luight ver-yms yn cheer shoh; v’er eshyn e ainle royd, as gowee oo ben da my vac veih’n cheer shen.

Genesis 24:7 ပူးပေါင်းရင်းမြစ်များ

Genesis 13:15

Son ooilley yn cheer t’ou dy akin, dhyt’s ver-ym eh, as da dty luight son dy bragh.

Genesis 15:18

Ayns y laa cheddin ren y Chiarn conaant rish Abram, gra, Da dty luight ta mee er choyrt yn cheer shoh, veih awin Egypt gys yn awin vooar, ta shen, awin Euphrates:

Genesis 16:7

As hooar ainle y Chiarn ee liorish farrane ushtey ayns yn aasagh, liorish y chibbyr t’ayns y raad gys Shur.

Genesis 17:8

As ver-yms dhyt’s, as da dty luight dty yeï, yn cheer raad t’ou dty yoarree, ooilley cheer Chanaan, son cummal foddey beayn; as beem’s yn Jee oc.

Genesis 21:17

As cheayll Jee coraa yn ghuilley, as ren ainle Yee geamagh gys Hagar veih niau, as dooyrt eh r’ee, Cre ta jannoo ort, Hagar? ny gow aggle; son ta Jee er chlashtyn coraa yn ghuilley raad t’eh:

Genesis 22:11

As ren ainle y Chiarn geamagh da veih niau, as dooyrt eh, Abraham, Abraham. As dreggyr eh, Ta mee ayns shoh.

Genesis 24:3

As ver-yms ort breearrey liorish y Chiarn, Jee niau as thalloo, nagh gow ben da my vac, jeh inneenyn ny Canaaniteyn, nyn mast’ ta mee cummal.

Genesis 24:40

As dooyrt eshyn rhym, Nee’n Chiarn, ta mee dy hirveish, e ainle y choyrt mayrt, as dty raad y vannaghey; as gowee oo ben da my vac jeh my chynney hene, as jeh thie my ayrey.

Genesis 26:24

As hoilshee’n Chiarn eh-hene da ’syn oie cheddin, as dooyrt eh, Mish Jee Abraham dty ayrey: ny gow aggle, son ta mish lhiat, as nee’m oo y vannaghey, as bishaghey dty luight er graih my harvaant Abraham.

Ezra 1:2

Myr shoh ta Cyrus ree Phersia dy ghra, Ta’n Chiarn Jee t’ayns niau, er choyrt dooys ooilley reeriaghtyn ny ashoonyn shoh, as er choyrt currym orrym dy hroggal thie da ec Jerusalem, t’ayns Judah.

Psalmyn 103:20

O bannee-jee yn Chiarn, shiuish e ainleyn, shiuish ta pooaral ayns niart: shiuish ta cooilleeney e harey, as ta geaishtagh rish coraa e ghoan.

Psalmyn 136:26

O cur-jee booise da Jee ny niaughyn: son ta e vyghin farraghtyn son dy bragh.

Psalmyn 32:8

T’ou uss ynnyd dy m’ollaghey ayn, nee uss m’y choadey veih seaghyn: nee oo m’y chombaasal er dy chooilley heu lesh arraneyn-moyllee dy livrey-ys.

Psalmyn 34:7

Ta ainle y Chiarn freayll arrey mygeayrt-y-moosyn ta goaill aggle roish: as dy livrey ad.

Psalmyn 73:24

Quoi t’aym ayns niau agh uss: as cha vel unnane erbee er y thalloo ta mee dy yeearree ayns soylaghey jeed’s.

Exodus 13:5

As shoh myr vees eh, erreish da’n Chiarn v’er choyrt lesh stiagh oo gys cheer ny Chanaaniteyn, as ny Hittiteyn, as ny Amoriteyn, as ny Hiviteyn, as ny Jebusiteyn, vreear eh da dty ayraghyn dy choyrt dhyt’s cheer messoil ayns bainney as mill, dy jean oo yn chirveish shoh ’chooilleeney ’sy vee shoh.

Exodus 32:13

Cooinee er Abraham, Isaac, as Israel dty harvaantyn, daue ren oo breearrey liort hene, as dooyrt oo roo, Neem’s bishaghey yn sluight euish myr rollageyn yn aer, as ooilley’n cheer shoh, ta mee er loayrt jeh, ver-yms da’n sluight eu, as bee eh nyn eiraght foddey beayn.

Exodus 33:2

As ver-ym ainle royd; as eiyr-ym magh yn Canaanite, yn Amorite, as yn Hittite, as y Perizzite, yn Hivite, as y Jebusite;

Isaiah 63:9

Ayns yn seaghyn oc va eshyn seaghnit, as ren ainle yn enish echeysyn adsyn y hauail: ayns e ghraih as ayns e erreeish ren eh ad y livrey: as hrog eh ad, as ren eh ad y ymmyrkey ooilley laghyn y chenn earish.

Daniel 2:44

As rish lhing ny reeaghyn shoh, nee Jee ny flaunys soiaghey seose reeriaght, nagh bee dy bragh er ny stroie: as cha bee yn reeriaght faagit da pobble elley, agh brishee eh ayns peeshyn, as ver eh mow ooilley ny reeriaghtyn shoh, as nee eh shassoo son dy bragh.

Jonah 1:9

As dooyrt eh roo, She Hebrew mee, as ta mee goaill aggle roish y Chiarn, Jee ny flaunys, t’er chroo yn aarkey as y thalloo chirrym.

Earrooyn 11:12

Nee jeem’s ta ooilley’n pobble shoh er ny yientyn? nee mish yn ayr oc, dy jinnagh oo gra rhym, Cur lhiat ad ayns dty oghrish, (myr ta sheshey boandyr cur lesh y lhiannoo t’er y cheeagh) gys y cheer ren oo breearrey da nyn ayraghyn.

Earrooyn 14:16

Son nagh yarg y Chiarn yn pobble shoh y choyrt lesh gys y cheer ren eh breearrey daue, shen-y-fa, t’eh er stroie ad ’syn aasagh.

Earrooyn 14:30

Son shickyrys, cha jig shiu gys y cheer my-e-chione ren mee breearrey dy choyrt diu cummal ayn; er-lhimmey jeh Caleb mac Jephunneh, as Joshua mac Nun.

Earrooyn 32:11

Son shickyrys, cha jean veg jeh ny deiney haink seose ass Egypt, veih feed bleïn dy eash as erskyn, fakin y cheer loo mee da Abraham, da Isaac, as da Jacob; kyndagh nagh vel adsyn dy slane er n’eiyrt orrym:

Jannoo 7:5

As cha dug eh eiraght erbee da ayn, wheesh as lheead trie: foast ghiall eh dy jinnagh eh da eh son eiraght, as da e luight ny yeï, tra v’eh foast gyn cloan.

Deuteronomy 1:8

Cur-my-ner, Ta mee er choyrt y cheer kiongoyrt riu: immee-jee stiagh, as gow-jee yn cheer, vreear y Chiarn da nyn ayraghyn, Abraham, Isaac, as Jacob, dy choyrt dauesyn, as da nyn sluight nyn yeï.

Deuteronomy 34:4

As dooyrt y Chiarn rish, Shoh’n cheer vreear mee da Abraham, da Isaac, as da Jacob, gra, Ver-yms eh da dty luight: ta mee er choyrt shilley dhyt jeh, agh cha jed oo harrish huggey.

Hebrewnee 1:14

Nagh nee spyrrydyn shirveishagh ad ooilley er nyn goyrt magh dy hirveish orroosyn vees eiraghyn dy haualtys?

Hebrewnee 11:9

Liorish credjue v’eh ny hroailtagh ayns cheer y ghialdynys, myr ayns cheer yoarree, cummal ayns cabbaneyn marish Isaac as Jacob, co-eiraghyn mârishyn ’sy ghialdynys cheddin.

Joshua 1:6

Bee dunnal as jeh cree mie; son da’n pobble shoh nee oo rheynn son eiraght yn cheer, loo mee da nyn ayraghyn dy choyrt daue.

Joshua 24:3

As ghow mee nyn ayr Abraham veih’n cheu elley jeh’n awin, as leeid mee eh trooid ooilley cheer Chanaan, as vishee mee yn sluight echey, as hug mee Isaac da.

Ashlish 11:13

As ’syn oor cheddin va craa mooar thallooin ayn, as huitt yn jeihoo ayrn jeh’n ard-valley, as ayns y craa-thallooin v’er nyn stroie shiaght thousane dooinney: as v’adsyn va er-mayrn atchimagh, as hug ad gloyr da Jee t’ayns niau.

Briwnyn 2:1

As haink ainle y Chiarn seose veih Gilgal gys Bochim, as dooyrt eh, Hug mee lhiam shiu ass Egypt, as er leeideil shiu gys y cheer ren mee gialdyn da ny ayraghyn eu; as dooyrt mee, Cha brish-ym dy bragh my chonaant riu.