Genesis 24:61 - Yn Vible Casherick 1775 1819

⁶¹ As hrog Rebekah as e mraane aegey orroo, as varkee ad er camelyn, as hie ad marish y dooinney: as ghow stiurt Abraham Rebekah, as jimmee eh roish.

Genesis 24:61 ပူးပေါင်းရင်းမြစ်များ

Genesis 2:24

Er-yn-oyr shoh faagee dooinney e ayr as e voir, as bee eh er ny lhiantyn gys e ven: as bee ad un eill.

Genesis 24:60

As vannee ad Rebekah as dooyrt ad r’ee, T’ ou uss nyn shuyr; bee uss moir thousaneyn dy villaghyn, as lhig da dty luight possession y ghoaill jeh giat nyn noidyn.

Genesis 24:62

As haink Isaac veih raad chibbyr Lahai-roi, son v’eh cummal ayns y cheer my-yiass.

Genesis 31:34

Nish va Rachel er ghoaill ny jallooyn, as er cheiltyn ad ayns greinyn ny camelyn, as hoie ee orroo: as ronsee Laban ooilley yn chabbane, agh cha dooar eh ad.

Esther 8:10

As scrieu eh ayns ennym ree Ahasuerus, as seal eh eh lesh fainey yn ree, as hug eh screeunyn lesh postyn er cabbil, as markee er muleyn, camelyn, as dromedareeyn aegey:

Esther 8:14

Myr shen hie ny postyn va markiagh er muleyn, as camelyn magh, ayns dy chooilley hiyr, myr v’ad êginit liorish sarey yn ree; as va’n decree focklit magh ec Shushan y phlaase.

Psalmyn 45:10

Va inneenyn reeaghyn mastey dty vraane ooasle: er dty laue yesh hass y ven-reïn ayns coamrey dy airh, obbrit mygeayrt lesh caghlaaghyn daah.

Briwnyn 5:30

Nagh vel ad er speedeil? nagh vel ad er rheynn y spooilley; da dagh dooinney moidyn ny jees? da Sisera spooilley dy choamraghyn aalin dy chaghlaaghyn daah, spooilley dy choamraghyn aalin dy chaghlaaghyn daah dy obbyr-snaidey, dy choamraghyn aalin dy chaghlaaghyn daah dy obbyr-snaidey er dagh cheu, dy hoiaghey magh ny mwannallyn ocsyn ta goaill y spooilley?

1 Samuel 25:42

As ren Abigail siyr, as hrog ee urree, as vark ee er assyl, marish queig mraane aegey mâree, as deiyr ee er chaghteryn Ghavid, as haink ee dy ve e ven.

1 Samuel 30:17

As woaill David ad veih brishey’n laa gys fastyr laa-ny-vairagh; as cha ren dooinney jeu scapail, agh kiare cheead dy gheiney aegey, varkee ersooyl er camelyn.