Genesis 24:53 - Yn Vible Casherick 1775 1819

⁵³ As hug y stiurt magh jewellyn argid, as jewellyn airh, as garmadyn, as livrey eh ad da Rebekah: hug eh myrgeddin da’n vraar as y voir eck cowraghyn costal.

Genesis 24:53 ပူးပေါင်းရင်းမြစ်များ

Genesis 24:10

As ghow yn stiurt jeih camelyn, jeh camelyn e vainshtyr, as jimmee eh roish, [Son va ooilley chooid e vainshtyr fo e laue] as dirree eh, as hie eh gys Mesopotamia, gys ard-valley Nahor.

Genesis 24:22

As haink eh gy-kione, tra va ny camelyn erreish giu, dy ghow yn dooinney jewel cleayshey dy airh jeh trimmid lieh shekel, as daa vracelet son ny laueyn eck, va towse jeih shekelyn dy airh.

2 Recortyssyn 21:3

As hug nyn ayr daue giootyn vooar dy argid, as dy airh, as dy reddyn costal, marish ard-valjyn voallit ayns Judah: agh y reeriaght hug eh da Jehoram, son dy nee eshyn va’n er by-hinney.

Ezra 1:6

As ren adsyn ooilley va mygeayrt-y-moo, nyn laueyn y niartaghey, lesh siyn argid, lesh airh, lesh cooid, as maase, lesh reddyn costal, harrish as erskyn ny va chebbit dy arryltagh.

Exodus 11:2

Loayr nish ayns clashtyn y pobble, as lhig da dy chooilley ghooinney goaill er eeasaght voish e naboo, as dy chooilley ven veih e ben-naboo, jewellyn argid, as jewellyn airh.

Exodus 12:35

As ren cloan Israel cordail rish sarey Voses: as deeasee ad veih ny Egyptianee jewellyn argid, as jewellyn airh, as coamrey.

Exodus 3:22

Agh nee dy chooilley ven geeasagh veih e naboo, as veih ish t’er e joarreeaght ayns y thie eck, jewellyn argid, as jewellyn airh, as coamrey: as ver shiu ad er nyn mec, as er nyn inneenyn; as nee shiu spooilley ny Egyptianee.

Arrane Solomon 1:10

Ta dty cheeillyn bwaagh soit magh lesh roaghyn dy yewellyn, dty wannal lesh boandaghyn airhey.

Arrane Solomon 4:13

T’ou uss myr garey Phargys, soit magh lesh pomegranateyn, lesh ny messyn s’aalin, lesh camphire as spikenard.

Isaiah 39:2

As ren Hezekiah mooar jeu, as yeeagh eh daue ooilley cooid verchagh e hie, yn argid, as yn airh, as ny spiceyn, as yn ooil chostal, as ooilley thie e eilley-caggee, as ooilley ny va ry-gheddyn ayns ny tashtaghyn echey; cha row nhee erbee ayns e hie, ny ayns e slane reeriaght, nagh yeeagh eh daue.