Genesis 24:52 - Yn Vible Casherick 1775 1819

⁵² As haink eh gy-kione, tra va stiurt Abraham er chlashtyn ny goan oc, dy dug eh ooashley da’n Chiarn, croymmey eh hene sheese gys y thalloo.

Genesis 24:52 ပူးပေါင်းရင်းမြစ်များ

Genesis 24:26

As chroym y dooinney sheese e chione, as hug eh ooashley da’n Chiarn.

Genesis 24:48

As chroym mee sheese my chione, as hug mee ooashley da’n Chiarn, as vannee mee Chiarn Jee my vainshtyr Abraham, v’er m’y leeideil er y raad cair, dy ghoaill inneen braarey my vainshtyr son ben da e vac.

Genesis 24:51

Cur-my-ner ta Rebekah kiongoyrt rhyt, gow ee mayrt, as lhig ee ve ben mac dty vainshtyr, myr ta’n Chiarn er ghra.

1 Recortyssyn 29:20

As dooyrt David rish ooilley’n cheshaght, Nish bannee-jee’n Chiarn nyn Yee. As ren y slane sheshaght yn Chiarn Jee nyn ayraghyn y vannaghey, as chroym ad sheese nyn ghing, as hug ad ooashley da’n Chiarn, as y ree.

2 Recortyssyn 20:18

As chroym Jehoshaphat e chione, lesh e eddin gys y thalloo: as huitt ooilley Judah as cummaltee Yerusalem sheese roish y Chiarn, cur ooashley da’n Chiarn.

Psalmyn 95:6

O tar-jee, lhig dooin ooashley y choyrt, as tuittym sheese: as gliooney kiongoyrt rish y Chiarn y Fer ren shin.

Noo Mian 2:11

As goll stiagh ’sy thie, hooar ad y lhiannoo marish Moirrey e voir, as gliooney sheese, hug ad ooashley da: as fosley ny tashtaghyn oc, heb ad giootyn da; airh, as frankincense, as myrrh.

1 Samuel 1:28

Shen-y-fa ta mish myrgeddin er eeasagh eh da’n Chiarn; choud’s vees eh bio bee eh eeasit da’n Chiarn, As hug ad ooashley da’n Chiarn ayns shen.