Genesis 24:44 - Yn Vible Casherick 1775 1819

⁴⁴ As dy jir ish rhym’s, Iu hene, as nee’m myrgeddin tayrn ushtey da dty chamelyn; lhig jeeish ve yn ven, ta’n Chiarn er reih da mac my vainshtyr.

Genesis 24:44 ပူးပေါင်းရင်းမြစ်များ

Genesis 24:14

As lhig da ve myr shen, yn ven aeg shen jir-ym r’ee, Lhig sheese dty haagh, ta mee guee ort, dy voddym giu; as dy jir ish, Iu, as ver-yms ushtey da dty chamelyn myrgeddin: lhig ish ve yn ven, t’ou er phointeil da dty harvaant Isaac; as liorish shen bee fys aym, dy vel oo er hoilshaghey kenjallys da my vainshtyr.

1 Peddyr 3:8

Er-jerrey, bee-jee ooilley jeh un aigney, chymmoil yn derrey yeh jeh’n jeh elley, cur-jee graih myr braaraghyn, bee-jee lane dy hymmey, bee-jee dooie:

Hebrewnee 13:2

Ny jarrood-jee dy choyrt oltagh-bea da joarreeyn: son liorish ta paart er choyrt oltagh-bea da ainleyn gyn-yss daue hene.

1 Timothy 2:10

Agh (shen ta cheet jesh da mraane ta goaill-rish craueeaght) lesh obbraghyn mie.

Isaiah 32:8

Agh ta’n cree ooasle smooinaghtyn er nheeghyn ooasle, as liorish cooishyn ooasle nee eh shassoo.

Raaghyn Creeney 19:14

Ta thieyn as berchys eiraght ayraghyn: as ta ben lowal veih’n Chiarn.

Raaghyn Creeney 18:22

Quoi-erbee ta geddyn ben (vie) t’eh geddyn gioot mie, as cosney bannaght veih’n Chiarn.

Raaghyn Creeney 16:33

Ta ny lottyn ceaut ayns yn ught: agh ta’n slane reill oc veih’n Chiarn.

Genesis 2:22

As jeh’n asney, va’n Chiarn Jee er ghoaill ass dooinney, ren eh ben y chummey; as hug eh lesh ee gys y dooinney.

Genesis 24:43

Cur-my-ner ta mee my hassoo liorish y chibbyr, as hig eh gy-kione, tra hig y ven aeg magh dy hayrn ushtey, as dy jir-ym r’ee, Cur dou, ta mee guee ort, bolgym dy ushtey ass dty haagh dy iu.

Genesis 24:45

As roish my row mee erreish loayrt ayns my chree, cur-my-ner, haink Rebekah magh, as e saagh er e geaylin: as hie ee sheese gys y chibbyr, as hayrn ee ushtey: as dooyrt mish r’ee, Lhig dou giu, ta mee guee ort.