Genesis 24:30 - Yn Vible Casherick 1775 1819

³⁰ As haink eh gy-kione, tra honnick eh yn jewel cleayshey, as ny braceletyn er laueyn e huyr, as tra cheayll eh goan Rebekah e huyr, gra, Myr shoh loayr y dooinney rhym; dy daink eh gys y dooinney, as cur-my-ner, v’eh ny hassoo liorish ny camelyn ec y chibbyr.

Genesis 24:30 ပူးပေါင်းရင်းမြစ်များ

Genesis 24:22

As haink eh gy-kione, tra va ny camelyn erreish giu, dy ghow yn dooinney jewel cleayshey dy airh jeh trimmid lieh shekel, as daa vracelet son ny laueyn eck, va towse jeih shekelyn dy airh.

Genesis 24:29

As va braar ec Rebekah, enmyssit Laban: as roie Laban magh gys y dooinney, ec y chibbyr.

Genesis 24:31

As dooyrt eh rish, Tar stiagh uss vannit jeh’n Chiarn; cre’n-oyr t’ou dy hassoo mooie? Son ta mee er chiartaghey yn thie, as room son ny camelyn.

Isaiah 3:19

Ny chainyn sollys, as beadyn ny roihaghyn, as ny breidyn,

Jeremiah 2:32

Vod moidyn jarrood e coamraghyn aalin? ny ben y phoosee e stoamid? ny-yeih ta my phobble er yarrood mish laghyn erskyn-earroo.

Ezekiel 23:42

As va coraa earroo mooar dy leih rouanagh mâree, as marish y chiartanse haink seose, marish ny Sabeanee veih’n aasagh, lesh braceletyn er nyn laueyn, as atteeyn aalin er nyn ghing.

Briwnyn 17:2

As dooyrt eh rish e voir, Yn un cheead jeig shekel dy argid, v’er ny gheid voïd, mychione ghwee oo mollaght, as loayr oo jeh ayns my chlashtyn, cur-my-ner, ta’n argid aym’s; mish ghow eh. As dooyrt e voir, Bannit dy row uss veih’n Chiarn, my vac.