Genesis 24:2 - Yn Vible Casherick 1775 1819

² As loayr Abraham rish ard-stiurt e hie, va reill harrish ooilley ny v’echey, Cur dty laue, ta mee guee ort, fo my lheayst.

Genesis 24:2 ပူးပေါင်းရင်းမြစ်များ

Genesis 15:2

As dooyrt Abram, Hiarn Yee, cre ver oo dou, fakin dy vel mee gyn sluight, as stiurt my hie ta Eliezer shoh jeh Damascus.

Genesis 24:34

As dooyrt eh, Ta mish stiurt Abraham.

Genesis 24:37

As hug my vainshtyr orrym breearrey, gra, Cha gow oo ben da my vac, jeh inneenyn ny Canaaniteyn, ’sy cheer oc ta mee cummal.

Genesis 44:1

As doardee eh da stiurt e hie, gra, Lhieen saick ny deiney lesh beaghey, wheesh ad oddys ad lhieu, as cur argid dy chooilley ghooinney, ayns beeal e hack.

Genesis 47:29

As hayrn y traa er-gerrey dy row Israel dy gheddyn baase, as hug eh fys er e vac Joseph, as dooyrt eh rish, My ta mee nish er gheddyn foayr ayns dty hilley, cur, ta mee guee ort, dty laue fo my lheayst, as jean dellal dy dooie as dy firrinagh rhym: ny jean mish y oanluckey, ta mee guee ort, ayns Egypt.

Genesis 47:31

As dooyrt eh, Jean breearrey dou: as ren eh breearrey da, as ren Israel ooashlaghey, croymmey er e lorg, ny hoie ec kione ny lhiabbagh.

2 Samuel 12:17

As haink shanstyr e hie huggey, dy hroggal eh veih’n thalloo: agh cha jinnagh eh girree, ny goaill beaghey mâroo.

1 Reeaghyn 16:9

As ren e harvaant Zimri, (captan er lieh jeh ny fainee echey,) girree-magh n’oï myr v’eh ayns Tirzah, giu eh-hene er-meshtey ayns thie Arza, stiurt e hie ayns Tirzah.

1 Recortyssyn 29:24

As ren ooilley ny princeyn, as ny deiney pooaral, as ooilley mec ree Ghavid myrgeddin goaill-rish Solomon dy ve nyn ree.

1 Timothy 5:17

Lhig da ny shanstyryn ta reill dy mie, ve coontit feeu jeh ooashley dooble, erskyn ooilley adsyn ta laboragh ’sy ghoo as ynsagh.

Ruth 2:6

As dansoor y stiurt va harrish ny beayneeyn, as dooyrt eh, She’n ven aeg t’ayn haink marish Naomi veih cheer Voab: