Genesis 24:14 - Yn Vible Casherick 1775 1819

¹⁴ As lhig da ve myr shen, yn ven aeg shen jir-ym r’ee, Lhig sheese dty haagh, ta mee guee ort, dy voddym giu; as dy jir ish, Iu, as ver-yms ushtey da dty chamelyn myrgeddin: lhig ish ve yn ven, t’ou er phointeil da dty harvaant Isaac; as liorish shen bee fys aym, dy vel oo er hoilshaghey kenjallys da my vainshtyr.

Genesis 24:14 ပူးပေါင်းရင်းမြစ်များ

Genesis 15:8

As dooyrt eh, Hiarn Yee, cre’n cowrey ver oo dou, dy bee shoh my eiraght.

Genesis 24:13

Cur-my-ner, ta mee my hassoo ayns shoh liorish y chibbyr; as ta inneenyn cummaltee yn ard-valley cheet magh dy hayrn ushtey:

Genesis 24:15

As shen myr ve s’coan v’eh erreish loayrt, cur-my-ner, haink Rebekah, inneen Vethuel, mac Vilcah, ben Nahor braar Abraham, magh lesh e saagh ushtey er e geaylin.

Genesis 24:18

As dooyrt ee, Iu, my hiarn; as ren ee chelleeragh yn saagh y lhiggey sheese er e laue, as hug ee jough da.

Genesis 24:19

As tra v’ee er choyrt jough da, dooyrt ee, Tayrn-yms ushtey myrgeddin da dty chamelyn, derrey vees dy liooar oc.

Genesis 24:43

Cur-my-ner ta mee my hassoo liorish y chibbyr, as hig eh gy-kione, tra hig y ven aeg magh dy hayrn ushtey, as dy jir-ym r’ee, Cur dou, ta mee guee ort, bolgym dy ushtey ass dty haagh dy iu.

Genesis 24:44

As dy jir ish rhym’s, Iu hene, as nee’m myrgeddin tayrn ushtey da dty chamelyn; lhig jeeish ve yn ven, ta’n Chiarn er reih da mac my vainshtyr.

2 Samuel 20:9

As dooyrt Joab rish Amasa, Vel oo ayns slaynt, my vraar? As ghow Joab Amasa er e aasaag lesh e laue yesh dy choyrt paag da.

2 Samuel 5:24

As tra chlinnys oo feiyr mastey ny biljyn-mulberry myr sheean sleih er march, dy jean oo eisht gleashagh oo-hene dy gastey: son eisht ta’n Chiarn goll magh royd, dy woalley sheshaght ny Philistinee.

Raaghyn Creeney 19:14

Ta thieyn as berchys eiraght ayraghyn: as ta ben lowal veih’n Chiarn.

Isaiah 7:11

Shir cowrey veih yn Chiarn dty Yee; shir eh edyr ayns y diunid heese, ny ayns yn yrjid heose.

Romanee 1:10

Geearree (my she aigney Yee eh dy choyrt dou fy-yerrey jurnah sauchey) dy heet hiu.

Briwnyn 18:5

As dooyrt ad rish, Shir coyrle, ta shin guee ort, er Jee, dy vod fys ’ve ain, jig y jurnah ta shin dy ghoaill dy mie lhien.

Briwnyn 6:17

As dooyrt eh rish, My ta mee nish er gheddyn foayr ayns dty hilley, eisht cur dou cowrey dy nee uss [my Hiarn] ta taggloo rhym.

Briwnyn 6:37

Cur-my-ner, ver-ym’s loamrey olley er y laare; as my vees yn druight ny-lomarcan er y loamrey, as my vees ooilley yn thalloo mygeayrt-y-mysh chirrym, eisht vees shickyrys aym dy jean uss sauail Israel liorish my laue’s, myr t’ou er ghra.

1 Samuel 20:7

My jir eh, Te mie dy liooar; ta shee cour dty harvaant: agh my t’eh feer chorree, eisht foddee oo ve shickyr dy vel olk kiarit m’oï.