Genesis 24:13 - Yn Vible Casherick 1775 1819

¹³ Cur-my-ner, ta mee my hassoo ayns shoh liorish y chibbyr; as ta inneenyn cummaltee yn ard-valley cheet magh dy hayrn ushtey:

Genesis 24:13 ပူးပေါင်းရင်းမြစ်များ

Genesis 24:11

As hug eh nyn aash da ny camelyn, cheu-mooie jeh’n ard-valley, liorish chibbyr-ushtey, ’syn astyr, tra va ny mraane goll magh dy hayrn ushtey.

Genesis 24:14

As lhig da ve myr shen, yn ven aeg shen jir-ym r’ee, Lhig sheese dty haagh, ta mee guee ort, dy voddym giu; as dy jir ish, Iu, as ver-yms ushtey da dty chamelyn myrgeddin: lhig ish ve yn ven, t’ou er phointeil da dty harvaant Isaac; as liorish shen bee fys aym, dy vel oo er hoilshaghey kenjallys da my vainshtyr.

Genesis 24:43

Cur-my-ner ta mee my hassoo liorish y chibbyr, as hig eh gy-kione, tra hig y ven aeg magh dy hayrn ushtey, as dy jir-ym r’ee, Cur dou, ta mee guee ort, bolgym dy ushtey ass dty haagh dy iu.

Psalmyn 37:5

Treisht gys y Chiarn dty raad, as cur dty varrant er: as ver eshyn lesh eh gy-kione.

Exodus 2:16

Nish va shiaght inneenyn ec saggyrt Vidian; as haink ad, as hayrn ad ushtey; as lhieen ad ny siyn, dy ushtaghey shioltane nyn ayrey.

Raaghyn Creeney 3:6

Ayns ooilley dty raaidyn gow rishyn, as nee eh leeideil dty chesmadyn.

Noo Ean 4:7

Haink ben dy Samaria dy hayrn ushtey: dooyrt Yeesey r’ee, Cur dou jough.

Briwnyn 5:11

Adsyn t’er nyn livrey veih feiyr-caggee ny sideyryn liorish ny chibbraghyn ushtey, shen y raad nee ad loayrt jeh obbraghyn cairal y Chiarn, eer e obbraghyn cairal rish cummaltee e valjyn-cheerey ayns Israel: eisht nee pobble y Chiarn reesht taaghey ny giattyn.

1 Samuel 9:11

As myr hie ad seose y chronk gys yn ard-valley, haink mraane aegey nyn guail, va goll magh dy hayrn ushtey, as dooyrt ad roo, Vel y fakyder ayns shoh?