Genesis 24:10 - Yn Vible Casherick 1775 1819

¹⁰ As ghow yn stiurt jeih camelyn, jeh camelyn e vainshtyr, as jimmee eh roish, [Son va ooilley chooid e vainshtyr fo e laue] as dirree eh, as hie eh gys Mesopotamia, gys ard-valley Nahor.

Genesis 24:10 ပူးပေါင်းရင်းမြစ်များ

Genesis 11:26

As tra va Terah three-feed bleïn as jeih, hooar eh Abram, Nahor, as Haran.

Genesis 11:29

As ghow Abram as Nahor dagh fer jeu ben: va ben Abram enmyssit Sarai: as ben Nahor, Milcah, inneen Haran, ayr Milcah, as ayr Iscah.

Genesis 11:31

As ghow Terah Abram e vac, as Lot mac Haran, yn oe echey, as Sarai e inneen ’sy leigh, ben e vac Abram; as hie ad magh veih Ur jeh ny Chaldeanee, dy gholl gys cheer Chanaan; as haink ad gys Haran, as ren ad cummal ayns shen.

Genesis 11:32

As va eash Terah daa cheead bleïn as queig, as hooar Terah baase ayns Haran.

Genesis 22:20

As haink eh gy-kione, lurg ny reddyn shoh, dy row eh er ny insh da Abraham, gra, Cur-my-ner, ta Milcah myrgeddin er n’ymmyrkey cloan da dty vraar Nahor;

Genesis 24:2

As loayr Abraham rish ard-stiurt e hie, va reill harrish ooilley ny v’echey, Cur dty laue, ta mee guee ort, fo my lheayst.

Genesis 24:22

As haink eh gy-kione, tra va ny camelyn erreish giu, dy ghow yn dooinney jewel cleayshey dy airh jeh trimmid lieh shekel, as daa vracelet son ny laueyn eck, va towse jeih shekelyn dy airh.

Genesis 24:53

As hug y stiurt magh jewellyn argid, as jewellyn airh, as garmadyn, as livrey eh ad da Rebekah: hug eh myrgeddin da’n vraar as y voir eck cowraghyn costal.

Genesis 27:43

Nish er-y-fa shen, my vac, gow my choyrle, as trog ort, cosne royd gys Laban my vraar, gys Haran

Genesis 29:1

Eisht hie Jacob er e yurnah, as haink eh gys cheer pobble y shiar.

Genesis 29:2

As yeeagh eh, as honnick eh chibbyr ’sy vagher, as cur-my-ner, va three shioltaneyn dy chirree nyn lhie liorish: son veih’n chibbyr shen hug ad lhieu ushtey gys ny shioltaneyn: as va clagh vooar er beeal y chibbyr.

1 Recortyssyn 19:6

As tra dennee cloan Ammon dy row ad dy mooar er vrasnaghey David, hug Hanun as cloan Ammon thousane talent dy argid dy ailley daue fainee as markee veih Mesopotamia, as veih Syria-maachah, as veih Zobah.

Jannoo 2:9

Parthianee, as Medeyn, as Elamiteyn, as cummaltee Vesopotamia, as Judea, as Cappadocia, Pontus as Asia,

Deuteronomy 23:4

Son nagh daink ad nyn guail er y raad lesh arran as ushtey, tra haink shiu magh ass Egypt, as son dy ren ad failley dt’oï Balaam mac Beor jeh Pethor ayns Mesopotamia, dy ghwee mollaght ort.