Genesis 24:1 - Yn Vible Casherick 1775 1819

¹ As va Abraham shenn, as er roie dy mie ayns eash: as va’n Chiarn er vannaghey Abraham ayns dy chooilley nhee.

Genesis 24:1 ပူးပေါင်းရင်းမြစ်များ

Genesis 12:2

As jeed’s neem’s ashoon mooar, as nee’m oo y vannaghey, as nee’m dty ennym ooasle, as bee oo son bannaght.

Genesis 13:2

As va Abram feer verchagh ayns maase, ayns argid, as ayns airh.

Genesis 18:11

Nish va Abraham as Sarah shenn, as er roie, dy mie ayns eash: as scuirr eh dy ve marish Sarah, myr te dooghyssagh da mraane dy ve.

Genesis 21:5

As va Abraham keead bleïn dy eash, tra va e vac Isaac er ny ruggey da.

Genesis 24:35

As ta’n Chiarn dy mooar er vannaghey my vainshtyr; as t’eh er jeet dy ve pooaral: as t’eh er choyrt da shioltaneyn, as shellooyn, as argid, as airh, fir-vooinjerey, as sharvaantyn, camelyn, as assylyn.

Genesis 25:20

As va Isaac da-eed bleïn dy eash, tra phoose eh Rebekah, inneen Vethuel yn Syrian jeh Padan-aram, shuyr Laban y Syrian.

Genesis 26:12

Eisht chuirr Isaac ’sy cheer shen, as vuinn eh ’sy vleïn cheddin keead-filley: as vannee yn Chiarn eh.

Genesis 49:25

Eer liorish Jee dt’ayrey, nee cooney lhiat, as liorish yn ooilley-niartal, nee uss y vannaghey, lesh bannaghtyn niau heose, bannaghtyn y diunid heese, bannaghtyn ny keeaghyn, as y vreïn.

1 Reeaghyn 1:1

Nish va’n ree David shenn as er roie dy mie ayns eash; as choodee ad eh lesh eaddeeyn, agh cha dooar eh veg y chiass.

Raaghyn Creeney 10:22

Ta bannaght y Chiarn berchagh, as cha vel eh coyrt seaghyn erbee lesh.

Isaiah 51:2

Jeeagh-jee gys Abraham nyn ayr, as gys Sarah ren shiu y ymmyrkey: son deïe mee ersyn ny-lomarcan, as vannee mee eh, as ren mee eshyn y vishaghey.

Noo Mian 6:33

Agh shir-jee hoshiaght reeriaght Yee as e chairys, as bee shiu jeant magh lesh ooilley ny reddyn shoh.

Noo Luke 1:7

As cha row sluight oc, er-yn-oyr dy row Elizabeth gennish, as v’ad ny-neesht er roie dy mie ayns eash.

Galatianee 3:9

Myr shen eisht adsyn ta jeh credjue, t’ad bannit marish Abraham firrinagh.

Ephesianee 1:3

Bannit dy row Jee as Ayr nyn Jiarn Yeesey Creest, t’er vannaghey shin lesh dy chooilley vannaght spyrrydoil ayns nheeghyn flaunyssagh ayns Creest:

1 Timothy 4:8

Er son shirveish y challin cha vooar yn ymmyd t’ayn: agh ta craueeaght vondeishagh gys dy chooilley nhee, myr ta gialdyn echey jeh’n vea ta nish ayn, as jeh shen ta ry-heet.