Genesis 23:7 - Yn Vible Casherick 1775 1819

⁷ As hass Abraham seose, as chroym eh eh-hene gys sleih ny cheerey, eer gys mec Heth.

Genesis 23:7 ပူးပေါင်းရင်းမြစ်များ

Genesis 10:15

As hooar Canaan Sidon e vac shinney, as Heth,

Genesis 18:2

As hrog eh seose e hooillyn as yeeagh eh, as cur-my-ner, va three deiney nyn shassoo er-gerrey da: as tra honnick eh ad, roie eh nyn guail veih dorrys y chabbane, as chroym eh sheese eh hene lesh y thalloo.

Genesis 19:1

As haink daa ainle gys Sodom ’syn astyr: as va Lot ny hoie ayns giat Sodom: as tra honnick Lot ad, dirree eh seose dy gholl nyn guail, as chroym eh sheese e eddin lesh y thalloo.

Genesis 23:12

As chroym Abraham eh-hene sheese, kiongoyrt rish sleih ny cheerey.

Genesis 23:6

Clasht rooin, my Hiarn; t’ou dty phrince niartal ny mast’ ain; ayns y reih jeh ny oaiaghyn ain, jean dty varroo y oanluckey; cha jean unnane ain e oaie y reayll voïd; agh dy vod oo goanluckey dty varroo.

Genesis 23:8

As loayr eh roo, gra, My she nyn aigney eh, dy jinnin my varroo y oanluckey ass my hilley, eaisht-jee rhym, as loayr-jee ass my lieh, rish Ephron mac Zohar:

Genesis 48:12

As ghow Joseph ad veih eddyr e ghlioonyn, as chroym eh sheese lesh e eddin gys y thalloo.

Raaghyn Creeney 18:24

Eshyn ta caarjyn echey, shegin da jeeaghyn eh-hene myr carrey: as ta carrey ayn lhiannys hood ny s’chenney na braar erbee.

Hebrewnee 12:14

Eiyr-jee da shee rish dy chooilley ghooinney, as da craueeaght, n’egooish cha vod dooinney erbee yn Chiarn y akin.

1 Peddyr 3:8

Er-jerrey, bee-jee ooilley jeh un aigney, chymmoil yn derrey yeh jeh’n jeh elley, cur-jee graih myr braaraghyn, bee-jee lane dy hymmey, bee-jee dooie: