Genesis 23:6 - Yn Vible Casherick 1775 1819

⁶ Clasht rooin, my Hiarn; t’ou dty phrince niartal ny mast’ ain; ayns y reih jeh ny oaiaghyn ain, jean dty varroo y oanluckey; cha jean unnane ain e oaie y reayll voïd; agh dy vod oo goanluckey dty varroo.

Genesis 23:6 ပူးပေါင်းရင်းမြစ်များ

Genesis 13:2

As va Abram feer verchagh ayns maase, ayns argid, as ayns airh.

Genesis 14:14

As tra cheayll Abram dy row e vraar goit ny phryssoonagh, choamree eh lesh armyn e Harvaantyn chaggee v’er nyn ruggey ayns e hie hene, three cheead as hoght-jeig, as hie ad er nyn eiyrt’s choud as Dan.

Genesis 18:12

Shen-y-fa, ren Sarah garaghtee cheu-sthie jee hene, gra, Erreish dooys v’er n’aase shenn, bee yn boggey shoh aym, fakin dy vel my hiarn shenn myrgeddin?

Genesis 20:7

Shen-y-fa, cur nish yn ven da’n dooinney: son she phadeyr eh, as gowee eh padjer er dty hon, as bee oo bio: agh mannagh der oo da ee, toig, dy bee oo dy shickyr er dty choyrt dy baase, oo hene, as ooilley ny ta lhiat’s.

Genesis 21:22

As haink eh gy-kione, ec y traa shen, dy ren Abimelech as Phicol, ard-chaptan e heshaght-chaggee, loayrt rish Abraham gra, Ta Jee mayrt ayns ooilley ny t’ou dy yannoo.

Genesis 23:5

As dansoor mec Heth Abraham, gra rish.

Genesis 23:7

As hass Abraham seose, as chroym eh eh-hene gys sleih ny cheerey, eer gys mec Heth.

Genesis 24:18

As dooyrt ee, Iu, my hiarn; as ren ee chelleeragh yn saagh y lhiggey sheese er e laue, as hug ee jough da.

Genesis 24:35

As ta’n Chiarn dy mooar er vannaghey my vainshtyr; as t’eh er jeet dy ve pooaral: as t’eh er choyrt da shioltaneyn, as shellooyn, as argid, as airh, fir-vooinjerey, as sharvaantyn, camelyn, as assylyn.

Genesis 31:35

As dooyrt ee rish e ayr, Ny lhig da my hiarn ve corree rhym, nagh voddym girree seose kiongoyrt rhyt; son ta mee myr te dooghyssagh da mraane: as ren eh ronsaghey, agh cha dooar eh ny jallooyn.

Genesis 32:18

Eisht abbyr uss, T’ad lesh dty harvaant Jacob; She gioot eh, er ny choyrt gys my hiarn Esau: as cur-my-ner, t’eh myrgeddin cheet nyn yeï.

Genesis 42:10

As dooyrt adsyn rish, Cha nee, my hiarn, agh dy chionnaghey beaghey ta dty harvaantyn er jeet.

Genesis 44:5

Nagh nee shoh eh, ass ta my hiarn giu? as liorish t’eh dy jarroo geddyn magh folliaghtyn? ta shiu er n’yannoo dy olk ayns yn obbyr shoh.

Genesis 44:8

Cur-my-ner, yn argid hooar shin ayns beeal ny saick ain, hug shin lhien reesht hood, veih cheer Chanaan: kys eisht, ghoghe shin orrin dy gheid ass thie dty hiarn argid ny airh?

Exodus 32:22

As dooyrt Aaron, Ny lhig da corree my hiarn ve er ny vrasnaghey; shione dhyt y pobble, dy vel ad soit er olk.

Isaiah 45:14

Myr shoh ta’n Chiarn gra, Bee obbyr-lauee Egypt, as marchantys ny Ethiopianee, as ny Sabeanee, deiney thollee, er ny lhiantyn hood’s, as bee ad lhiat hene: hig ad geiyrt ort; ayns geulaghyn hig ad harrish, as tuittee ad sheese kiongoyrt rhyt, as nee ad aghin hood’s, gra, Dy shickyr ta Jee aynyd’s, as cha vel fer arragh; cha vel Jee elley.

Ruth 2:13

Eisht dooyrt ee, Lhig dou foayr y gheddyn ayns dty hilley, my hiarn; son dy vel oo er my gherjaghey, as dy vel oo er loayrt dy dooie rish dty inney-veyl, ga nagh vel mish dy ve soylit gys veg jeh dty harvaantyn.