Genesis 22:9 - Yn Vible Casherick 1775 1819

⁹ As haink ad gys y voayl va Jee er hoilshaghey da, as hrog Abraham altar ayns shen, as chiartee eh yn fuygh, as chiangle eh Isaac e vac, as hug eh ny lhie eh er y fuygh v’er yn altar.

Genesis 22:9 ပူးပေါင်းရင်းမြစ်များ

Genesis 12:7

As ren y Chiarn eh hene y hoilshaghey da Abram, as dooyrt eh, Da dty luight’s ver-yms yn cheer shoh: as ayns shen hrog eh altar da’n Chiarn, ren eh hene y hoilshaghey da.

Genesis 12:8

As scugh eh veih shen gys slieau shiar jeh Beth-el, as hoie eh e chabbane, lesh Beth-el er y sheear, as Hai er y shiar, as ayns shen hrog eh altar gys y Chiarn, as ren eh geamagh er ennym y Chiarn.

Genesis 13:18

Eisht ren Abram e chabbane y scughey, as haink eh, as ren eh cummal ayns cheer rea Mamre, ta ayns Hebron, As ayns shen hrog eh altar gys y Chiarn.

Genesis 22:10

As heeyn Abraham magh e laue, as ghow eh yn skynn dy varroo e vac.

Genesis 22:8

As dreggyr Abraham, My vac, gowee Jee kiarail dy gheddyn eayn da hene son oural-losht: myr shen hie ad ny-neesht cooidjagh.

Genesis 8:20

As hrog Noah altar da’n Chiarn, as ghow eh jeh dagh baagh glen, as jeh dagh eean glen, as heb eh ourallyn-losht er yn altar.

1 Reeaghyn 18:33

As chiartee eh yn fuygh, as yiare eh yn dow ayns peeshyn, as hug eh eh ny lhie er y fuygh, as dooyrt eh, Lhieen-jee kiare barrellyn lesh ushtey, as deayrt-jee eh er yn oural-losht, as er y fuygh.

Psalmyn 118:27

Jee yn Chiarn t’er chur dooin soilshey: kiangle-jee yn oural lesh coyrdyn, gys eer eairkyn yn altar.

Noo Mian 27:2

As erreish daue v’er chiangley eh, leeid ad eh ersooyl, as livrey ad eh gys Pontius Pilate yn kiannoort.

Noo Mark 15:1

As chelleeragh ayns y voghrey hug ny ard-saggyrtyn, as y chanstyr, as ny scrudeyryn, as y slane coonceil, nyn goyrle dy cheilley, as chiangle ad Yeesey, as leeid ad eh ersooyl, as livrey ad eh gys Pilate.

Jannoo 8:32

Yn ayrn jeh’n scriptyr v’eh dy lhaih, she shoh ve, V’eh er ny leeideil myr keyrrey gys y skynn, as myr yn eayn balloo roish e lommyrtagh, myr shen cha doshil eshyn e veeal:

Galatianee 3:13

Ta Creest er livrey shin veih mollaght y leigh, eh-hene jeant ny vollaght er nyn son: son te scruit, Cursit ta dagh unnane ta croghey er billey:

Ephesianee 5:2

As immee-jee ayns graih, myr ta Creest myrgeddin er chur graih dooinyn, as er choyrt eh-hene er nyn son, chebbal as oural son soar millish da Jee.

Hebrewnee 9:28

Myr shen va Creest un cheayrt er ny hebbal dy ymmyrkey peccaghyn ymmodee; as dauesyn ta jeeaghyn er e hon, nee eh soilshaghey eh-hene yn nah cheayrt fegooish peccah gys saualtys.

Jamys 2:21

Nagh row Abraham nyn ayr er ny heyrey liorish obbraghyn, tra v’eh er n’ouralley e vac Isaac er yn altar?

1 Peddyr 2:24

Eshyn ren ny peccaghyn ain y ymmyrkey ayns e chorp hene er y villey, dy voddagh shinyn, ta livreït veih peccah, ve bio gys cairys; liorish ny lhottyn echey ta shiuish er nyn lheihys.