Genesis 22:7 - Yn Vible Casherick 1775 1819

⁷ As loayr Isaac rish Abraham e ayr, as dooyrt eh, My ayr: as dreggyr eh, Ta mee ayns shoh, my vac. As dooyrt eh, Cur-my-ner, yn aile, as y fuygh: agh cre vel yn eayn son yn oural-losht?

Genesis 22:7 ပူးပေါင်းရင်းမြစ်များ

Genesis 22:8

As dreggyr Abraham, My vac, gowee Jee kiarail dy gheddyn eayn da hene son oural-losht: myr shen hie ad ny-neesht cooidjagh.

Genesis 8:20

As hrog Noah altar da’n Chiarn, as ghow eh jeh dagh baagh glen, as jeh dagh eean glen, as heb eh ourallyn-losht er yn altar.

Exodus 12:3

Loayr-jee rish slane chaglym-cooidjagh Israel, gra, Er y jeihoo laa jeh’n vee shoh, nee ad goaill daue hene eayn: dy chooilley ghooinney cordail rish lught-thie nyn ayrey, eayn son thie.

Exodus 29:38

Nish, shoh nee oo chebbal er yn altar; daa eayn jeh’n chied vleïn, dagh laa dy kinjagh.

Noo Mian 26:39

As hie eh red beg sodjey, as huitt eh sheese er e eddin, as ghow eh padjer, as dooyrt eh, O my Ayr, my oddys eh ’ve, lhig da’n cappan shoh goll shagh-ym: ny-yeih cha nee m’aigney’s, agh dty aigney’s dy row jeant.

Noo Mian 26:42

Hie eh roish reesht yn nah cheayrt, as ghow eh padjer, gra, O my Ayr, mannagh vod yn cappan shoh goll shagh-ym, fegooish mee dy iu eh, dty aigney’s dy row jeant.

Noo Ean 1:29

Yn nah laa honnick Ean Yeesey cheet ny whail, as dooyrt eh, Cur-my-ner Eayn Yee, ta goaill ersooyl peccah yn theihll.

Noo Ean 1:36

As yeeagh eh er Yeesey, myr v’eh shooyl, as dooyrt eh, Cur-my-ner Eayn Yee.

Noo Ean 18:11

Eisht dooyrt Yeesey rish Peddyr, Cur seose dty chliwe ayns y fine: yn cappan ta my Ayr er chur dou, nagh n’iu-ym eh?

Romanee 8:15

Son cha vel shiu er ghoaill yn Spyrryd dy vondiaght reesht dy ve fo aggle; agh ta shiu er gheddyn yn Spyrryd dy gholtanys, liorish ta shin geamagh, Abba, Ayr.

Ashlish 13:8

As ver ooilley cummaltee yn theihll ooashley da, nyn enmyn nagh vel scruit ayns lioar bea yn Eayn er ny varroo er-dy hoshiaght y theihll.