Genesis 22:4 - Yn Vible Casherick 1775 1819

⁴ Eisht, er y trass laa, hrog Abraham seose e hooillyn, as honnick eh yn ynnyd foddey veih.

Genesis 22:4 ပူးပေါင်းရင်းမြစ်များ

Genesis 22:3

As dirree Abraham dy feer voghey, as yeeltee eh e assyl, as ghow eh jees jeh e gheiney aegey mârish, as Isaac e vac, as scelt eh yn fuygh son yn oural-losht: as hrog eh er, as hie eh gys yn ynnyd va Jee er n’insh da.

Genesis 22:5

As dooyrt Abraham rish e gheiney aegey, Fuirree-jee shiuish ayns shoh marish yn assyl, as hem’s as y guilley roïn, gys yn ynnyd shid, as ver mayd ooashley, as hig mayd hiuish reesht.

2 Reeaghyn 20:5

Chyndaa reesht, as insh da Hezekiah, captan my phobble, Myr shoh ta’n Chiarn Jee Ghavid dty ayr gra, Ta mee er chlashtyn dty phadjer, ta mee er vakin dty yeïr: Cur-my-ner, neem’s uss y lheihys; as er y trass laa hed oo seose gys thie yn Chiarn.

Esther 5:1

Nish haink eh gy-kione er y trass laa, dy dug Esther urree e coamrey reeoil, as hass ee ayns y chooyrt sodjey stiagh jeh thie yn ree, jeeragh er thie yn ree: as va’n ree ny hoie er e stoyl-reeoil ayns thie yn ree, jeeragh er giat y thie.

Exodus 15:22

Myr shoh hug Moses lesh Israel veih’n Aarkey Jiarg, as ad y leeideil stiagh gys faasagh Shur, as ren ad troailt three laa ’syn aasagh, as cha dooar ad ushtey.

Exodus 19:11

As ve aarloo son y trass laa: son er y trass laa, hig y Chiarn neose ayns shilley ooilley’n pobble er slieau Sinai.

Exodus 19:15

As dooyrt eh rish y pobble, bee-jee aarloo ry-hoi yn trass laa: ny tar-jee coair nyn mraane.

Exodus 5:3

As dooyrt adsyn, Ta Jee ny Hebrewnee, er hoilshaghey eh hene dooinyn: lhig dooin goll, ta shin guee ort, jurnah three laa gys yn aasagh, dy hebbal oural gys y Chiarn y Jee ain; er-aggle dy duitt eh orrin lesh y chramp, ny lesh y chliwe.

Hosea 6:2

Lurg daa laa ver eh orrin dy aa-vioghey, ’sy trass nee eh shin y hroggal seose reesht veih ny merriu, as bee mayd bio kiongoyrt rish.

Leviticus 7:17

Agh bee ny vees er-mayrn jeh feill yn oural er y trass laa, er ny lostey ’syn aile.

Earrooyn 10:33

As hie ad rhymboo veih slieau’n Chiarn jurnah three laa: as hie arg chonaant y Chiarn er y raad roue, ’sy jurnah oc dy hree laa, dy gheddyn magh daue ynnyd dy hannaghtyn ayn.

Earrooyn 19:12

Nee eh glenney eh hene lesh (yn ushtey casherick) er yn trass laa, as er yn chiaghtoo laa bee eh glen: agh mannagh jean eh eh-hene y ghlenney er yn trass laa, eisht er yn chiaghtoo laa cha bee eh glen.

Earrooyn 19:19

As nee’n persoon glen spreih (yn ushtey) ersyn ta neu-ghlen, er y trass laa, as er yn chiaghtoo laa: as er yn chiaghtoo laa nee eh glenney eh hene, as niee e eaddagh, as glenney e chorp ayns ushtey, as bee eh glen ec yn astyr.

Earrooyn 31:19

As fuirree-jee cheu-mooie jeh’n champ shiaght laa: quoi-erbee ta er varroo persoon erbee, as quoi-erbee ta er ventyn rish corp marroo jean-jee glenney, chammah shiu hene, as ny cappeeyn eu, lesh yn ushtey casherick, er y trass laa, as er yn chiaghtoo laa.

Noo Mian 17:23

As ver ad eh gy-baase, as y trass laa nee eh girree reesht: as v’ad feer trimshagh.

Noo Luke 13:32

As dooyrt eh roo, Immee-jee shiuish as insh-jee da’n shynnagh shen, Cur-my-ner, ta mee castey drogh-spyrrydyn, as lheihys doghanyn jiu as mairagh, as y trass laa bee’m er my ghloyraghey.

1 Corinthianee 15:4

As dy row eh oanluckit, as dy dirree eh reesht yn trass laa cordail rish ny scriptyryn:

Joshua 1:11

Gow-jee trooid y champ, as cur-jee currym da’n pobble, gra, Fow-jee aarloo dy chooilley nhee ta ymmyrchagh; son cheu-sthie jeh three laa hed shiu harrish yn Jordan shoh, dy gholl stiagh as dy ghoaill diu hene yn cheer, ta’n Chiarn yn Jee eu dy choyrt diu myr eiraght.

1 Samuel 26:13

Eisht hie David harrish gys y cheu elley, as hass eh er mullagh cronk foddey jeh; (myr va tammylt mie dy ghrunt eddyr ad;)