Genesis 22:3 - Yn Vible Casherick 1775 1819

³ As dirree Abraham dy feer voghey, as yeeltee eh e assyl, as ghow eh jees jeh e gheiney aegey mârish, as Isaac e vac, as scelt eh yn fuygh son yn oural-losht: as hrog eh er, as hie eh gys yn ynnyd va Jee er n’insh da.

Genesis 22:3 ပူးပေါင်းရင်းမြစ်များ

Genesis 17:23

As ghow Abraham Ishmael e vac, as dagh unnane va ruggit ayns e hie, as ooilley ny va kionnit lesh e argid, dy chooilley yrrynagh v’ayns lught-thie Abraham; as ren eh giarey-chymmylt yn eill oc ’sy laa cheddin, myr va Jee er n’oardaghey da.

Genesis 21:14

As dirree Abraham seose feer voghey, as ghow er arran, as boteil dy ushtey, as hug eh ad da Hagar [coyrt ad er e geaylin] as y lhiannoo, as hug eh ee ersooyl: as jimmee ee ro-ee, as hiee er-shaghryn noon as noal ayns faasagh Beer-sheba.

Genesis 22:18

As ayns dty luight, vess ooilley ashoonyn y theihll er nyn mannaghey: er-y-fa dy vel oo er choyrt biallys da my choraa.

Genesis 22:2

As dooyrt eh, Gow nish dty vac, eer dty ynrycan vac Isaac, eh shynney lhiat, as fow royd gys cheer Moriah; as cheb eh ayns shen son oural-losht er unnane jeh ny sleityn neem’s y hoilshaghey dhyt.

Genesis 22:4

Eisht, er y trass laa, hrog Abraham seose e hooillyn, as honnick eh yn ynnyd foddey veih.

Psalmyn 119:60

Ren mee siyr, as cha lhig mee shaghey yn traa: dy reayll dty annaghyn.

Ecclesiastes 9:10

Cre-erbee t’ou goaill ayns laue dy yannoo, jean eh lesh dty niart, son cha vel veg yn obbyr, ny saase, ny tushtey, ny creenaght, ayns yn oaie raad t’ou goll.

Noo Mian 10:37

Eshyn ta ny s’graihee er ayr ny moir na orrym’s, cha vel eh feeu jee’m: as eshyn ta ny s’graihee er mac ny inneen na orrym’s, cha vel eh feeu jee’m.

Noo Luke 14:26

My hig dooinney erbee hym’s, as nagh vel graih sloo echey er e ayr as e voir, as e ven, as e chloan, as e vraaraghyn, as e hayraghyn, dy jarroo, as er e vioys hene [na orrym’s] cha vod eh dy firrinagh gynsaghey voym’s.

Galatianee 1:16

Dy hoilshaghey e Vac aynym’s, dy voddin eshyn y phreacheil mastey ny Ashoonyn; chelleeragh cha ghow mee coyrle jeh feill ny fuill:

Hebrewnee 11:8

Liorish credjue tra va Abraham er ny eam dy gholl magh gys ynnyd v’eh lurg shen dy gheddyn son eiraght, v’eh biallagh; as jimmee eh magh, gyn fys echey cre gys v’eh goll.

Joshua 3:1

As dirree Joshua leah ’sy voghrey; as scugh ad veih Shittim, as haink ad gys Jordan, eshyn as ooilley cloan Israel, as ren ad campal ayns shen roish my jagh ad harrish.

Joshua 8:10

As dirree Joshua dy moghey ’sy vadran, as ghow eh musteral y pobble, as hie eshyn as leeideilee Israel seose, roish y pobble gys Ai.